Për ata që duan të zbukurojnë fotot e tyre përpara se t’i ndajnë me miqtë dhe familjen, ka shumë aplikacione të shkëlqyera editimi për Android në dispozicion.
Megjithatë, editimi manual i fotografive mund të jetë një punë e përditshme, veçanërisht për përdoruesit që nuk janë të sigurt se si funksionojnë mjetet e editimit. Megjithatë, ekziston një zgjidhje, transmeton Telegrafi.
Fjala është për “one click” vegël për editim të fotografive të ofruara nga aplikacioni Google Photos. Ky aplikacion bëhet edhe më praktik dhe efikas falë funksionit “editimi i shpejtë”.
Mundesh me e lexu edhe…
Funksioni shfaqet në ekranin e ri të ndarjes kur një përdorues shtyp butonin “share” për një foto të vetme, por nëse zgjedh disa foto, opsioni nuk është i disponueshëm, të paktën tani për tani.
Editimi i shpejtë është krijuar për të thjeshtuar përmirësimet bazë të fotografive, prerjen dhe “rregullimet e shpejta”.
Pamjet e ekranit të veçorisë së re, të lëshuar nga Android Authority, tregojnë opsione të njohura, duke përfshirë një mjet prerjeje dhe një buton “Enhanced”, i cili funksionon si një mjet për të përmirësuar aplikacionin kryesor.
Pasi të keni përfunduar modifikimin, ndarja është e lehtë. Thjesht duhet të shtypni butonin në këndin e poshtëm të djathtë.
Funksioni i ri nuk është ende gjerësisht i disponueshëm, pasi Google duket se po e teston atë në një numër të kufizuar përdoruesish.
Google Photos më parë ka sjellë ndryshime që e bëjnë më të lehtë për të parë se kush po ndërvepron me dosjet e përbashkëta.
Për më tepër, aplikacioni po punon për t’u dhënë përdoruesve më shumë kontroll mbi Google Memories dhe për të vendosur se sa shpesh njerëz të caktuar shfaqen në to pa u hequr plotësisht. /Katror.info
Përgatiti:
