Adhuruesit e qiellit në mbarë botën u mahnitën të premten nga një pamje qiellore e jashtëzakonshme, ndërsa Afërdita shkëlqente ndriçuese mbi Hënën e hollë në formë drapri.
Planeti ishte i dukshëm me sy të lirë, nga Mbretëria e Bashkuar, SHBA, Turqia dhe Kina.
Afërdita, e njohur si ‘Ylli i Mbrëmjes’ ose Ylli i Mëngjesit, është shpesh e dukshme si ‘ylli’ më i ndritshëm në qiell.
Mundesh me e lexu edhe…
Këtë vit të ri priten edhe më shumë spektakle astronomike, pasi janari 2025 do të jetë një muaj i shkëlqyer për të vëzhguar si Afërditën, ashtu edhe Saturnin.
Mos harroni të ngriheni dhe të shikoni qiellin më 18 janar, kur këto dy planete do të jenë vetëm 2.2° larg njëri-tjetrit, shkruan BBC, përcjell Katror.info.
Adhuruesit e qiellit mund të kapin pamjen e meteorëve që ndriçojnë qiellin, pasi shiu meteorik Quadrantid vazhdon.
Ky shi, i cili pritet të arrijë kulmin të shtunën, ka qenë i dukshëm që nga 26 dhjetori dhe do të vazhdojë deri më 12 janar.
Dr. Robert Massey, zëvendësdrejtor i Shoqatës Mbretërore Astronomike në Mbretërinë e Bashkuar, tha se ata që shpresojnë të kapin një pamje të fishekzjarreve qiellore pas perëndimit të diellit duhet të largohen “sa më shumë nga ndotja e dritës që të jetë e mundur”.
“Nëse keni kohë për të vëzhguar dhe kushtet e motit janë të favorshme, atëherë mos e humbisni, sepse është një dhuratë perfekte për Vitin e Ri,” shtoi ai. /Katror.info
Përgatiti:
