Presidentja e Kosovës, Vjosa Osmani sot do të presë në takim zëvendës-sekretarin e Shtetit Amerikan për Menaxhimin dhe Resurset, Richard Verma.
Zyra e Presidentes përmes një komunikate për media ka bërë të ditur se takimi pritet të zhvillohet me fillim nga ora 09:45.
“Në orën 09:45, Presidentja e Republikës së Kosovës, Vjosa Osmani pret në takim Zëvendës Sekretarin e Shtetit Amerikan për Menaxhimin dhe Resurset, Richard R. Verma”, thuhet në komunikatë.
Mundesh me e lexu edhe…
Richard R. Verma, Zëvendës Sekretari Amerikan i Shtetit për Menaxhimin dhe Resurset, ka shkruar më herë për vizitën që do ta zhvillojë në Kosovë, Shqipëri dhe Serbi, këtë javë.
Sipas një postimi në platformën e tij social X, Verma ka thënë se gjatë kësaj vizite do të riafirmojë angazhimin e Shteteve të Bashkuara të Amerikës për ta çuar më tej bashkëpunimin ekonomik, qeverisjen demokratike dhe sundimin e ligjit në vendet e Ballkanit Perëndimor.
I look forward to traveling to Albania, Kosovo, and Serbia this week to reaffirm the United States’ commitment to furthering economic cooperation, democratic governance, and the rule of law with countries of the Western Balkans.https://t.co/bDHJSYMBYD— Richard R. Verma (@DepSecStateMR) January 7, 2025
“Mezi pres të udhëtoj në Shqipëri, Kosovë dhe Serbi këtë javë për të riafirmuar angazhimin e Shteteve të Bashkuara për të çuar më tej bashkëpunimin ekonomik, qeverisjen demokratike dhe sundimin e ligjit në vendet e Ballkanit Perëndimor”, ka shkruar Verma në llogarinë e tij në platformën “X”.
Sipas raportit të publikuar nga U.S Departament of State, në Kosovë, ai do të diskutojë për normalizimin e marrëdhënieve të Kosovës me Serbinë përmes dialogut të lehtësuar nga BE-ja, forcimin e qeverisjes dhe sundimit të ligjit, si dhe nxitjen e rritjes ekonomike dhe sigurisë energjetike për të mirën e të gjithë kosovarëve.
Ai gjithashtu do të falënderojë Qeverinë e Kosovës për mbështetjen e fuqishme të Ukrainës dhe për ndihmën e saj për afganët në nevojë. /Katror.info
Përgatiti:
