Më 25 janar 2025, në Pallatin e Rinisë në Prishtinë, Klubi i Pingpongut Priping organizoi një turne për grupmoshat e reja për të shënuar 5-vjetorin e themelimit të tij. Turneu mblodhi mbi 60 lojtarë në kategoritë U11 dhe U17, vajza dhe djem, duke krijuar një atmosferë plot entuziazëm dhe garë sportive në kryeqytet.
Përveç garës sportive, në turne mbizotëroi një atmosferë e ngrohtë dhe festive. Përkrahësit, trajnerët dhe familjarët e lojtarëve krijuan një ambient motivues për të rinjtë. Kjo ngjarje nuk ishte vetëm një garë, por edhe një mundësi për lojtarët e rinj të krijojnë miqësi të reja dhe të mësojnë nga njëri-tjetri.
Në kategorine U17 dominoi ish lojtari i Priping Aron Koni nga Shqipëria, i cili fitoi të gjitha ndeshjet me rezultat bindes 3 me 0, ndërsa në finale u ballafaqua me Ar Konushevcin, lojtar i cili sapo i eshte bashkuar Pripingut, ndërsa medaljen e bronzt e siguroi Enes Vranovci nga Ferizaji.
Mundesh me e lexu edhe...
Te vajzat U17 në një finale dramatike fitoi titullin e kampiones Tuana Gacaferi nga Juniku kundër Anisa Domanikut (Kpp Prishtina F) me rezultat të ngushtë 3 me 2, ndërsa për vendin e tretë luftuan Erina Emini me Amra Gashi, ku Erina fitoi në setin e 5të, në diferencë 15:13, për të siguruar vendin në podium.
Në kategorinë U11 fitues u shpall Denat Makolli, finalist Arijon Krasniqi dhe vendin e tretë Uvejs Kryeziu, ndërsa te vajzat Erina Vranovci fitoi kunder Adeba Berisha në finale, dhe vendin e tretë e siguroi Sara Llapashtica.
Fituesit u shpërblyen me kupa, medalje dhe me dhurata nga IPKO, partner kryesor i klubit PRiPING.
Turneu u shqua për një organizim të mirë me shumë konkurencë dhe për nivel e lartë të garës, ku lojtarët treguan jo vetëm talent dhe aftësi të jashtëzakonshme në pingpong, por edhe frymë shumë sportive e fairplay.
Drejtuesit e KPP Priping falënderuan të gjithë pjesëmarrësit, trajnerët dhe mbështetësit e klubit për kontributin e tyre në zhvillimin e pingpongut në Kosovë.
Ky turne shënon fillimin e shumë aktivitete që pritet të realizihen gjatë vitit 2025 nga KPP Priping.
Turneu i radhes është Podgorica Open 2025 që do të mbahet me 2 shkurt në Mal të Zi./Katror.info
Përgatiti:
