Shkencëtarët kanë zhvilluar një video-lojë që mund të diagnostikojë autizmin me 80% saktësi.
E quajtur “Computerized Assessment of Motor Imitation” (CAMI), loja kërkon nga fëmijët të imitojnë lëvizjet e një karakteri në ekran për një minutë, ka raportuar Daily Mail, transmeton KOHA.
Kjo lojë funksionon, sepse njerëzit me autizëm shpesh kanë vështirësi në imitim të lëvizjeve të të tjerëve.
Mundesh me e lexu edhe...
Studiuesit nga Universiteti Nottingham Trent dhe Instituti Kennedy Krieger në SHBA gjithashtu kanë zbuluan se CAMI mund të dallojë mes autizmit dhe çrregullimit të mungesës së vëmendjes dhe hiperaktivitetit (ADHD), me 70% saktësi. Kjo është e rëndësishme, sepse është e zakonshme që fëmijët të kenë të dyja këto çrregullime, dhe ndonjëherë është e vështirë për ekspertët t’i ndajnë simptomat.
Doktoresha Bahar Tunçgenç, eksperte në zhvillimin social, ka thënë se CAMI është emocionuese për shkak të thjeshtësisë së saj në krahasim me metodat tradicionale të diagnostikimit.
Ajo ka thënë se shpreson që CAMI do të përdoret gjerësisht në praktikat klinike.
Doktori Stewart Mostofsky, një neurolog pediatrik, ka shtuar se CAMI mund të shënojë hap të madh përpara në diagnostikimin e autizmit dhe të ofrojë një alternativë të shpejtë dhe me kosto të ulët për mbështetje në diagnoza dhe trajtimin e fëmijëve.
Studimi ka përfshirë mbi 180 fëmijë nga mosha 7 deri në 13 vjeç, ku disa ishin me autizëm, disa me ADHD, e disa me të dyja, dhe disa pa asnjë prej këtyre kushteve.
Fëmijët që kishin autizëm kishin rezultate më të dobëta në imitim krahasuar me ata pa autizëm.
Aktualisht CAMI është mjet kërkimor dhe nuk është ende i disponueshëm për përdorim publik apo shkarkim. /Katror.info
Përgatiti:
