Sot u shënua një hap i rëndësishëm në forcimin e komunikimit strategjik me publikun, me lansimin e Manualit të Komunikimeve Qeveritare. Ky manual, që përmbledh dy vite e gjysmë trajnimesh dhe ekspertize të ofruara në kuadër të partneritetit me Shërbimin Ndërkombëtar të Komunikimit të Qeverisë së Mbretërisë së Bashkuar (GCSI), synon të përmirësojë komunikimin institucional dhe ta luftojë dezinformimin.
“Që nga viti 2022, përmes partneritetit tonë me Shërbimin Ndërkombëtar të Komunikimit të Qeverisë së Mbretërisë së Bashkuar (GCSI), kemi mbështetur qeverinë e Kosovës në forcimin e përpjekjeve të saj strategjike të komunikimit. Si moment kyç në këtë bashkëpunim, jemi krenarë ta lansojmë Manualin e Komunikimeve Qeveritare – një udhëzues gjithëpërfshirës që konsolidon të gjithë trajnimet dhe ekspertizën që është ndarë gjatë dy viteve e gjysmë e fundit”, njoftoi Ambasada Britanike në Prishtinë, transmeton Katror.info.
Ky manual është mjet i rëndësishëm për të forcuar besimin e publikut në institucionet shtetërore dhe për të luftuar ndikimin e dezinformatave që mund të dëmtojnë proceset demokratike dhe përfshirjen qytetare. Me këtë hap, Kosova po e rrit aftësinë e saj për të reaguar ndaj sfidave të komunikimit në nivel global dhe lokal./Katror.info
Mundesh me e lexu edhe…
Përgatiti:
