The Weeknd ka mbyllur zyrtarisht kapitullin e trilogjisë së tij ikonike me albumin Hurry Up Tomorrow, i cili u publikua sot, përmes XO dhe Republic Records.
Ndërsa fansat prisnin bashkëpunime me artistë si Playboi Carti dhe Anitta, një surprizë erdhi në formën e vokaleve të pabotuara të Lana Del Rey në këngën “The Abyss”.
Çifti ka bashkëpunuar më parë në projekte të tjera, si “Lust For Life”, kënga titull e albumit të Del Rey të vitit 2017, dhe kënga “Prisoner” nga albumi i dytë i The Weeknd, Beauty Behind the Madness (2015), shkruan Billboard, transmeton Katror.info.
Mundesh me e lexu edhe...
Një tjetër detaj befasues nga ky album ishte mungesa e këngës “Dancing in the Flames,” e cila ishte promovuar më parë si një single.
Kënga nuk figuron në listën përfundimtare të këngëve, duke ngritur dyshime nëse ajo është hequr në momentin e fundit ose ruajtur për një projekt të ardhshëm.
Albumi vjen pas një vonese të vogël, pasi ishte planifikuar fillimisht të dilte më 24 janar, por u shty për shkak të një donacioni prej një milioni dollarësh nga The Weeknd për ndihmën ndaj viktimave të zjarreve në Los Angeles.
Hurry Up Tomorrow shënon pjesën e tretë dhe të fundit të trilogjisë së tij të fundit, pas After Hours dhe Dawn FM.
Ky projekt u pasua nga single-t “Timeless” me Playboi Carti dhe “São Paulo” me Anitta.
“Timeless” arriti në vendin e tretë në Billboard Hot 100 në tetor.
Përveç albumit, The Weeknd do të bëjë debutimin e tij në filmin Hurry Up Tomorrow, një triler psikologjik, i drejtuar nga Trey Edward Shults dhe me aktorët Jenna Ortega dhe Barry Keoghan.
Filmi, me muzikë nga The Weeknd dhe bashkëpunëtorin e tij të gjatë Daniel Lopatin (Oneohtrix Point Never), do të shfaqet në kinema më 16 maj.
Pas 14 vjetësh duke ri-shkruar historinë e R&B-së dhe pop-it modern, ky album shënon fundin e një epoke për The Weeknd.
Me kontributin e fshehtë të Del Rey dhe misterin që rrethon “Dancing in the Flames,” Hurry Up Tomorrow ofron shumë për fansat për të analizuar. /Katror.info
Përgatiti:
