Këtë fundjavë është mbajtur turneu Podgorica Open 2025 për të rinj, i organizuar nga klubi i Pingpongut Buducnost, ku morën pjesë mbi 100 lojtarë nga shtetet e rajonit, e në kategorinë U11, triumfoi Denat Makolli duke sjellë trofeun nê Prishtinë.
Këtë e bëri të ditur Klubi i PingPongut PriPing, përmes një komunikate për media.
”Lojtari i sapo transferuar në KPP Priping, pavarësisht konkurrencës së fortë, arriti të shpallet kampion i turneut memorial Sasa Milacic Podgorica Open 2025, duke siguruar trofeun e parë ndërkombëtar për klubin prishtinas këtë vit”, thuhet në njoftim.
Mundesh me e lexu edhe…
Denati kaloi fazën e grupeve duke i mposhtur të gjithë lojtarët më rezultat 3:0, për të kaluar në fazën eleminuese, ku konkurrenca ishte më e vështire.
Në gjysëmfinale Denati mposht lojtarin Nikola Mikovic ndersa në finale u ballafaqua me kampionin e Podgorica Open 2024, Uroš Makajic, të cilin e mposhti me rezultat bindës 3:0.
Denati pas turneut u shpreh i lumtur me këtë rezultat duke thënë se këto suksese vetëm se e motivojnë edhe më shumë për garat e ardhshme vendore dhe ndërkombëtare.
“Jam shumë i lumtur që e mposhta Uroshin në finale. Kam ushtru shumë këto ditë që me pas rezultate të mira në këtë turne” u shpreh Denati pas lojës.
Ndërsa, i riu Deti Konushevci arriti të sigurojë medaljen e bronztë në ketë turne ndërkombëtar.
Në këtë turne morën pjesë edhe lojtarë të klubeve tjera na Kosova si KPP Prishtina Meshkujt, KPP Prishtina Femrat të cilët nuk u kthyen pa medalje.
Enes Domaniku pati një paraqitje të shkëlqyshme ku arriti të kthehet si finalist nga Podgorica, ku në finale në një përballje të fortë ndaj Luka Karanovoc me shumë poena atraktiv, u mposht me rezultat 3 me 1.
Ndersa Lenë Osmani rrëmbeu vendin e dytë, ku u mposht nga kampionja e Malit te Zi Anastasja Vujovic me rezultat 3 me 1.
Ndërsa, turneu i radhës do të mbahet me datë 16 shkurt për nder të Pavarësisë së Kosovës, i cili organizohet nga Federata e Pingpongut të Kosovës në Junik. /Katror.info
Përgatiti:
