Mira Murati, ish-shefe e teknologjisë (CTO) në OpenAI, kompania që krijoi ChatGPT, ka lansuar të mërkurën startup-in e saj të inteligjencës artificiale, Thinking Machines Lab, një kompani e specializuar në kërkime dhe produkte të AI-së.
Ky projekt i ri synon të adresojë boshllëqet kryesore në fushën e Inteligjencës Artificiale (AI) duke e bërë atë më të kuptueshëm, të personalizuar dhe më të aftë në përgjithësi, shkruan Katror.info.
“Ndërsa aftësitë e AI-së kanë avancuar ndjeshëm, ende ekzistojnë boshllëqe të rëndësishme. Kuptimi i komunitetit shkencor për sistemet më të avancuara të AI-së është ende prapa ritmit të zhvillimeve të shpejta. Njohuritë mbi mënyrën se si trajnohen këto sisteme janë të përqendruara në laboratorët kryesorë të kërkimit, gjë që kufizon si diskursin publik mbi AI-në ashtu edhe aftësinë e njerëzve për ta përdorur atë në mënyrë efektive. Për të kapërcyer këto boshllëqe, po ndërtojmë Thinking Machines Lab për ta bërë AI-në më të kuptueshëm, të personalizueshëm dhe më të aftë,” u shpreh kompania në një postim në blog.
Mundesh me e lexu edhe…
Thinking Machines Lab do të përqendrohet në shkencën e hapur, duke publikuar kërkime dhe kod, si dhe duke promovuar bashkëpunimin mes njerëzve dhe AI-së në industri të ndryshme. Kompania do të integrojë inteligjencë të avancuar të modeleve, infrastrukturë të cilësisë së lartë dhe aftësi të përparuara multimodale.
Duke shpallur lansimin e saj, Murati shkroi në X:
“Nisa Thinking Machines Lab së bashku me një ekip të jashtëzakonshëm shkencëtarësh, inxhinierësh dhe ndërtuesish. Po ndërtojmë tre gjëra:
1.Ndihmën e njerëzve për të përshtatur sistemet e AI-së që të punojnë sipas nevojave të tyre specifike;
2.Zhvillimin e themeleve të forta për të krijuar sisteme AI më të afta;
3.Nxitjen e një kulture të shkencës së hapur që ndihmon gjithë fushën të kuptojë dhe të përmirësojë këto sisteme.
I started Thinking Machines Lab alongside a remarkable team of scientists, engineers, and builders. We're building three things:
– Helping people adapt AI systems to work for their specific needs
– Developing strong foundations to build more capable AI systems
– Fostering a…— Mira Murati (@miramurati) February 18, 2025
Qëllimi ynë është i thjeshtë: të avancojmë AI-në duke e bërë atë gjerësisht të dobishme dhe të kuptueshme përmes themeleve të forta, shkencës së hapur dhe aplikimeve praktike,” ka shkruar Murati.
Sipas Reuters, kompania e re do të përfshijë shkencëtarë, inxhinierë dhe ekspertë që kanë kontribuar në produkte dhe biblioteka kryesore të AI-së si Character.ai, PyTorch dhe Mistral, si dhe mbi 20 ish-punonjës të OpenAI, përfshirë Barret Zoph (CTO), bashkë-krijuesin e ChatGPT Andrew Tulloch dhe Brydon Eastman, ndër të tjerë.
Murati u largua nga OpenAI në shtator pas një periudhe prej gjashtë vitesh e gjysmë në kompani. Në një memo të brendshme, ajo deklaroi se po largohet për të krijuar hapësirë dhe kohë për “eksplorimin” e saj.
“Për momentin, fokusi im kryesor është të siguroj një tranzicion të qetë dhe të ruaj vrullin që kemi ndërtuar,” tha Murati. /Katror.info
Përgatiti:
