Studime të ndryshme, përfshirë ato nga “Journal of Dairy Science”, kanë vërtetuar se qumështi dhe jogurti i dhisë ofrojnë një sërë përfitimesh shëndetësore falë përbërjes së tyre të veçantë ushqyese.
Një nga përfitimet kryesore është lehtësia në tretje. Qumështi i dhisë ka globula më të vogla yndyre dhe përmban më pak laktozë, duke e bërë atë më të lehtë për tretje krahasuar me qumështin e lopës.
Një studim nga “International Journal of Food Sciences” tregon gjithashtu se proteina e qumështit të dhisë është më pak alergjike.
Mundesh me e lexu edhe…
Për më tepër, qumështi i dhisë është një burim i pasur me lëndë ushqyese si kalcium, magnez, fosfor dhe vitamin A, të cilat janë thelbësore për shëndetin e kockave dhe forcimin e sistemit imunitar, shkruan Living.al.
Studiuesit nga “American Journal of Clinical Nutrition” kanë zbuluar gjithashtu se trigliceridet me zinxhir të mesëm në qumështin e dhisë ndihmojnë në rregullimin e kolesterolit dhe përmirësimin e shëndetit të zemrës.
Për më tepër, qumështi i dhisë përmban probiotik dhe acid laktik, të cilët ndihmojnë në mbrojtjen e lëkurës dhe ekuilibrin e mikroflorës së zorrëve.
Kështu, qumështi dhe jogurti i dhisë janë alternative të shkëlqyera për të lehtësuar tretjen, forcuar kockat dhe përmirësuar shëndetin e zemrës, duke e bërë atë një zgjedhje të mençur për një dietë të shëndetshme./Katror.info
Përgatiti:
