Në Takimin Përgatitor të Qarkut të Presidentëve të Kongresit të 20-të të Konferencës Evropiane të Gjykatave Kushtetuese (KEGJK), i organizuar nga Gjykata Kushtetuese e Republikës së Shqipërisë në Tiranë, Gjykata Kushtetuese e Republikës së Kosovës ka arritur një arritje të rëndësishme duke u pranuar si anëtare me të drejta të plota e këtij forumi prestigjioz të gjykatave kushtetuese dhe supreme evropiane.
Sipas një njoftimi të lëshuar nga Gjykata Kushtetuese e Kosovës, pranimi i këtij anëtarësimi erdhi pas prezantimit të kërkesës për anëtarësim nga Kryetari i Gjykatës Kushtetuese, Nexhmi Rexhepi, i cili në fjalimin e tij theksoi se: “Synimi ynë nuk ka qenë kurrë të ndjekim një avantazh politik duke iu bashkuar KEGJK-së, por përkundrazi, të zëmë vendin e merituar në mesin e anëtarëve të një komuniteti që mbështet vlerat e demokracisë, sundimit të ligjit, dhe mbrojtjes së të drejtave të njeriut dhe lirive themelore në kontinentin evropian. Gjykata jonë është dëshmuar se është një gardiane e pasionuar e këtyre vlerave.”
Konferenca Evropiane e Gjykatave Kushtetuese (KEGJK), e themeluar në vitin 1972, është një forum i rëndësishëm që mbledh 40 gjykata kushtetuese dhe supreme të vendeve evropiane. Ky anëtarësim i Kosovës në KEGJK shënon një hap të rëndësishëm për forcimin e institucioneve juridike dhe angazhimin e vendit në mbrojtjen e vlerave evropiane./Katror.info
Mundesh me e lexu edhe…
Përgatiti:
