Dy shoqe të ngushta të fëmijërisë u ribashkuan më shumë se gjysmë shekulli më vonë – atëherë kur ato më së paku e prisnin.
Irene Gresty dhe Janet Henderson ishin fqinje në vitet 1940, teksa rriteshin në Linlithgow, West Lothian, Angli, por, si shumë shokë e shoqe, ato humbën kontaktin me kalimin e viteve, shkruan The Good News Network.
Irene u martua dhe u largua me burrin e saj që ishte në marinë dhe u dërgua në vende si Singapori.
Mundesh me e lexu edhe...
Ajo donte të tërhiqej më pranë familjes së saj, kështu që u kthye – dhe kishte tre vjet që jetonte shumë afër Janet pa e ditur këtë.
Tani 80-vjeçare, dyshja u takuan me njëra-tjetren në një ngjarje të organizuar në shtëpinë e të moshuarve në Bield dhe Irene tha se zemra e saj rrahte kur pa shoqen e saj të humbur prej kohësh.
“U ulëm pranë njëra-tjetrës dhe ajo u kthye nga unë dhe më tha: “A je ti Irene?” dhe unë vetëm qesha dhe i thashë: “Po Janet”!
“Ajo tha se mendonte se isha unë – dhe jam shumë e lumtur që tha diçka të tillë, pasi hera e fundit që e pamë njëri-tjetrin ishte shumë kohë më parë.”
“Nuk mund ta besoj fatin tim që ndodhi, isha e kënaqur që e pashë përsëri.”
Dy gratë u zotuan se nuk do ta linin më kaq gjatë pa u parë dhe e kaluan gjithë pasditen të përqafuara.
“Ne kemi shumë kujtime të bukura nga koha me njëra-tjetren dhe duke luajtur në park.”
“Nuk e kisha menduar aspak, kur dikush më tha se Irene Gresty ishte kthyer në zonë pasi nuk e njihja mbiemrin e saj të martesës,” kujton Janet. “Kështu që kur e pashë në ngjarje ishte shumë surreale.”
“Ia kemi dhuruar njëra-tjetrës numrat, kështu që mezi pres të takohemi në të ardhmen, kemi shumë vite për të biseduar.”
Tracey Howatt, Drejtoreshë e Përvojës së Klientit në Bield, tha: “Ne shpesh kemi miq që ribashkohen pas shumë kohësh që nuk e kana parë njëri-tjetrin, por nuk mendoj se kemi pasur ndonjëherë diçka të tillë më parë.”
“Është bukur që dy zonjat të ribashkohen dhe kjo thjesht të tregon se nuk mund ta dish kurrë se kur do ta takosh përsëri me një mik të vjetër.”/Katror.info
Përgatiti:
