Pjatat dhe lugët plastike do të ndalohen për përdorim në Angli. Nuk është e qartë se kur do të hyjë në fuqi ndalimi, por ai pason lëvizje të ngjashme nga Skocia dhe Uellsi. Sekretarja e Mjedisit, Thérèse Coffey tha se masat e marra do të ndihmojnë në mbrojtjen e mjedisit për brezat e ardhshëm.
Aktivistët e mirëpritën ndalimin, por kërkuan një strategji më të gjerë të reduktimit të plastikës. Shifrat e qeverisë sugjerojnë se 1.1 miliardë pjata njëpërdorimshe dhe më shumë se katër miliardë copë lugë dhe piruna plastike përdoren në Angli çdo vit.
Mbetjet plastike shpesh nuk dekompozohen dhe mund të qëndrojnë në landfill për shumë vite. Megjithëse mund të jetë i dobishëm për sa i përket higjienës së ushqimit, mund të përfundojë gjithashtu si mbeturinë, duke ndotur tokën dhe ujin. Konfirmimi i lëvizjes nga “Department for Environment, Food and Rural Affairs” (Defra) vjen pas një konsultimi të gjatë, i cili do të publikohet të shtunën më 14 janar.
Mundesh me e lexu edhe...
Mbeturinat nga e gjithë bota gjenden në ishullin e largët britanik. Çdo person në Angli përdor mesatarisht 18 pjata plastike për një përdorim dhe 37 artikuj servise plastike çdo vit, sipas Defra, ndërsa vetëm 10% e tyre riciklohen. Zonja Coffey është e vendosur të ndalojë një sërë artikujsh plastike njëpërdorimëshe që lidhen kryesisht me ushqimin dhe pijen në dorë. Ajo tha:
Unë jam e vendosur të çoj përpara veprimet për të trajtuar këtë çështje drejtpërsëdrejti. Ne kemi ndërmarrë tashmë hapa të mëdhenj në vitet e fundit, por ne e dimë se ka më shumë për të bërë dhe ne kemi dëgjuar përsëri thirrjet e publikut. Ky ndalim i ri do të ketë një ndikim të madh për të ndaluar ndotjen e miliarda pjesëve të plastikës dhe për të ndihmuar në mbrojtjen e mjedisit natyror për brezat e ardhshëm.
Ndalime të ngjashme janë bërë tashmë në Skoci, ndërsa kashtët plastike për një përdorim, trazuesit dhe sythat e pambukut me kërcell plastik ishin ndaluar tashmë në Angli në vitin 2020. Skocia prezantoi një ndalim për bizneset që përdorin një sërë mallrash plastike për një përdorim në qershor të vitit të kaluar. Ligjet për një ndalim të ngjashëm në Uells u miratuan në dhjetor dhe do të hyjnë në fuqi më vonë në 2023.
Megjithatë, kjo masë e fundit nuk mbulon artikujt që gjenden në supermarkete apo dyqane. Qeveria tha se do t’i trajtonte ato me mjete të tjera. Megan Randles, aktiviste politike për Greenpeace në Mbretërinë e Bashkuar, tha se organizata e mirëpriti ndalimin, por nevojiteshin veprime të mëtejshme. Ajo i bëri thirrje qeverisë që të ofrojë një strategji ‘domethënëse’ se si të reduktohet përdorimi i plastikës, e cila do të përfshijë gjithashtu objektiva të rrepta dhe ‘një skemë të duhur ripërdorimi dhe rimbushjeje’./Katror.info
Përgatiti:
