Nëse ju e ndiqni Teslan në rrjetet sociale, ju ndoshta jeni në dijeni për Gary Black, një investitor i njohur i Tesla, menaxher i fondeve, dhe këshilltar i investimeve, Black ka përvojë të gjatë me Wall Street dhe tenton ta tregojë atë ashtu siç është, edhe pse duket se shqetëson tallësit e Teslas. Së fundmi, Black bëri komente në The Street se Tesla mund të dorëzonte 10,000 Cybertrucks në 2023.
Kemi dëgjuar se Tesla Cybertruck do të arrijë këtë vit, dhe kjo është konfirmuar kohë pas kohe nga vet Tesla dhe Elon Musk. Megjithatë, duket se prodhimi zyrtar i këtij modeli nuk do të filloj deri në fund të vitit, me rritjen e madhe në prodhim që vjen në fillimin e vitit 2024.
Gjithsesi, nëse Tesla ka me të vërtetë gati 2 milionë porosi për të plotësuar deri në fillimin e prodhimit, është mirë që të shpresojmë që Black të jetë i saktë me vlerësimin e bërë nga ana e tij. Tesla ishte pothuajse në gjendje të prodhonte 50 për qind më shumë makina në 2022 sesa në 2021. Thënë kjo, ajo nuk ishte në gjendje të përmbushte udhëzimet e saj për të ofruar 50 për qind më shumë, raporton insideEVs, transmeton Telegrafi.
Mundesh me e lexu edhe…
Në vend të kësaj, dërgesat e saj nga viti në vit u rritën me rreth 40 për qind, gjë që është ende shumë mbresëlënëse, dhe shumë përtej asaj të çdo prodhuesi tjetër të automjeteve. Megjithatë, kur një kompani nuk arrin të përmbushë udhëzimet me 10 për qind, Wall Street zakonisht nuk është i impresionuar.
Gary Black beson se Tesla mund të jetë gati për një vit edhe më të mirë se ai i kaluari, dhe se Cybertruck mund të jetë një pikë kryesore në këtë sukses potencial. Future Fund LLC, ka deklaruar se Tesla mund të fillojë dërgesat e këtij modeli në fund të vitit 2023.
Ai vazhdon duke thënë se prodhuesi amerikan i veturave elektrike mund të dorëzojë 10,000 njësi të Cybertruck për këtë vit, gjë që përshtatet mirë me vlerësimin e tij që Tesla të dorëzojë një total prej 1.9 milionë njësi të veturave elektrike në 2023.
Duket e çmendur të mendosh se Tesla mund të nxjerrë dhe të shesë 10,000 Cybertrucks këtë vit, nëse as nuk fillon t’i prodhojë ato deri afër fundit të vitit./Katror.info
Përgatiti:
