Kryeministri në largim, Dritan Abazoviq njoftoi se Mali i Zi, për herë të parë në historinë e tij, do të nisënjë program hapësinor.
Ai theksoi se “Ministria e Shkencës do të përgatisë informacionin dhe se zhvillimi i satelitit “Luça”, i cili duhet të lëshohet në hapësirë, është duke përfunduar”.
“Shpresoj që sataliti ynë ‘Luça’ të lëshohet në një të ardhme të parashikueshme, gjatë viteve 2023-2024”, tha zoti Abazoviq. Ai foli me disa novatorë të rinj malazezë dhe me përfaqësues të organizatës së Kërkimit Hapësinor të Malit të Zi, të cilët nisën projektin për lëshimin e satelitit të parë malazez.
Mundesh me e lexu edhe...
Ai theksoi se Qeveria e Malit të Zi përmes Fondit të Novacionit dëshiron t’i inkurajojë të rinjtë që të krijojnë gjëra të reja, duke thënë se ata janë “akullthyesit” që duhet të ndryshojnë imazhin ekonomik, arsimor dhe shkencor të Malit të Zi.
Abazoviq tha se nisma do të financohet me të ardhurat e krijuara nga Fondi i “Shtetësisë Ekonomike”. “Nuk bëhet fjalë për fonde të mëdha, por kërkon shumë punë. Mali i Zi do të hapë një perspektivë tjetër, të marrë pjesë në aktivitetet e vendeve të tjera dhe të zhvillohet edhe në këtë drejtim”, theksoi Abazoviq.
Projekti i “shtetësisë ekonomike”, i nisur në janar të vitit 2019, Malit të Zi i ka sjellë deri më tani 310 milionë euro./Katror.info
Përgatiti:
