Holanda mban vendin e parë në Evropë për kapacitetet e energjisë diellore për kokë banori dhe këtë e ka arritur duke shfrytëzuar në mënyrë inovative hapësira të ndyshme.
Energjia diellore tani prodhon 14% të energjisë elektrike në Holandë, duke e bërë atë “liderin e padiskutueshëm të energjisë diellore në Evropë”, siç e thanë Kira Taylor dhe Sofia Stuart Leeson në Euractiv.
Për më tepër, Holanda ka më shumë energji diellore për kokë banori se çdo vend tjetër evropian. Nëse do të kishim prodhimin total të energjisë elektrike nga dielli në terma absolutë, Gjermania është lider me 68.17 GW kapacitet të instaluar diellor.
Mundesh me e lexu edhe...
Holanda prodhoi 20% më shumë energji nga burimet e ripërtëritshme në 2022 sesa një vit më parë. Këto janë statistika befasuese. Spanja merr vetëm 12% të energjisë elektrike nga energjia diellore, ndërsa përqindja është më e lartë në Holandë.
Kjo tregon qasjen e mirë të qeverisë dhe popullit holandez, të cilët padyshim kanë investuar shumë në këtë teknologji. Deri në vitin 2015, vendi merrte vetëm 1% të energjisë elektrike nga energjia diellore.
Sipas Charlotte Elton në Euronews, konsumatorët atje kanë vënë në 2022 1.8 GW panele diellore në çati, të nxitura nga çmimet e larta të gazit të shkaktuar nga pushtimi rus i Ukrainës.
Por, ku tjetër po i vendosin holandezët gjithë ato panele?
Holanda është një shtet i cili njihet për avancime të mëdha në fushën e bujqësisë, dhe shfrytëzon në maksimum tokën. Pasi panelet solare zënë hapsira të mëdha, për të ngritur kapacitet e energjisë diellore në Holandë është dashur të gjenden alternative të reja, përveq atyre tradicionale si instalimi në tokë dhe në çati.
Në një numër i madh i paneleve është i vendosur mbi vendet e deponive të mbeturinave. Ata vendosin panele mbi parkingje të makinave, mbi liqene si dhe mbi fushat bujqësore. Është konstatuar se panelet që vendosen mbi fushat bujqësore lejojnë përdorimin më të pakët të ujit për të mbjellat.
Holanda ka vendosur 500,000 panele lundruese në liqenet dhe rezervuarët e vendit, të cilët mbulojnë 20% të sipërfaqes së saj. Vetëm Kina, thekson Euronews, ka më shumë panele lundruese.
Holanda po planifikon gjithashtu 3 GW kapacitet të reja nga parqet diellore lundruese në det të hapur deri në vitin 2030. Panelet në tokë kanë një tendencë të mbinxehen në diell, duke reduktuar prodhimin e tyre të energjisë elektrike. Duke i vendosur në ujë, ato ftohen, duke rritur ndjeshëm prodhimin e tyre të energjisë elektrike./Katror.info
Përgatiti:
