Trajneri i Romës, Jose Mourinho, ka marrë një ofertë prej 120 milionë eurosh për të trajnuar për dy vite në Arabinë Saudite, raporton Corriere dello Sport.
Raporti detajon se si oferta dyvjeçare, 60 milionë euro për çdo sezon, mbërriti drejtpërdrejt nga zyrtarët më të lartë të futbollit të Arabisë Saudite, për të trajnuar ose ekipin kombëtar ose një klub si Al-Nassr ose Al-Ahil.
Kombëtarja e Arabisë Saudite, e drejtuar nga Hervé Renard, tronditi botën me fitoren e tyre në Kupën e Botës ndaj Argjentinës. Trajneri francez u largua nga posti i tij pas turneut dhe ka marrë detyrën si trajner i kombëtares së femrave të Francës.
Mundesh me e lexu edhe…
Al-Nassr mori Cristiano Ronaldon në një transferim të lirë në janar, duke e nënshkruar atë me një marrëveshje tepër fitimprurëse dyvjeçare e gjysmë. Raportet e fundit në media sugjerojnë gjithashtu se ata kanë përgatitur një ofertë totale prej 400 milionë euro për Lionel Messin, kontrata e të cilit me Paris Saint-Germain skadon në qershor.
Mourinho ka diskutuar tashmë ofertën prej 120 milionë euro me stafin e tij, ku i janë thënë një sërë mendimesh të ndryshme. Debati i brendshëm po vazhdon, me disa që besojnë se oferta dhe paga e pabesueshme është një shans për jetën.
Trajneri portugez, megjithatë, dëshiron të qëndrojë me Romën dhe tani është në pritje të një takimi me Friedkins përpara se të marrë ndonjë vendim./Katror.info
Përgatiti:
