Ambasada e Republikës së Kosovës në Gjermani ka njoftuar publikimin e Qarkores zyrtare (Rundschreiben VII2.20104/49#24) nga Ministria Federale e Punëve të Brendshme të Gjermanisë (BMI), e cila përcakton procedurat e regjistrimit për shtetasit e Kosovës në këtë shtet, shkruan Katror.info.
Sipas ambasadës, kjo qarkore është shpërndarë më 7 mars 2025 në institucionet lokale të regjistrimit (Melderegister) në të gjitha landet e Gjermanisë. Megjithatë, për shkak të kohës së shkurtër që ka kaluar nga shpërndarja, disa prej këtyre institucioneve mund të mos e kenë pranuar ende dokumentin.
Ambasada e Kosovës në Berlin dhe konsullatat në Düsseldorf, Frankfurt, Hamburg, München dhe Stuttgart kanë shprehur gatishmërinë për të ofruar çdo sqarim apo informacion shtesë mbi këtë çështje.
Mundesh me e lexu edhe…
Ky zhvillim vjen pas deklaratës së ambasadorit të Kosovës në Gjermani, Faruk Ajeti, i cili pak ditë më parë bëri të ditur se shtetasit e Kosovës nuk do të regjistrohen më si shtetas të Serbisë.
Përmes një video-mesazhi, Ajeti theksoi se për më shumë se 17 vite mijëra qytetarë të Kosovës janë regjistruar gabimisht si shtetas serbë në komunat gjermane. Ai e cilësoi këtë ndryshim si një sukses diplomatik që i jep fund një problemi të trashëguar prej vitesh./Katror.info
Përgatiti:
