Mark Wahlberg dhe familja e tij nuk e kanë kthyer kokën pas që kur e ndërruan Hollywoodin për Las Vegasin.
Aktori zbuloi në tetor 2022 se ai i paketoi gjërat e tij dhe e zhvendosi familjen e tij nga rezidenca e tyre prej 90 milionë dollarësh (80.8 milionë euro) në Kaliforni në një përpjekje për një “jetë më të mirë”.
Gjashtë muaj pas lëvizjes, aktori i “Father Stu” pranoi se shpërngulja në Las Vegas ka qenë një ndryshim pozitiv në jetën e fëmijëve të tij.
Mundesh me e lexu edhe...
“Ata e duan Vegasin”, tha ylli 51-vjeçar i “Ted” për E!News, shkruan PageSix.
“Kam kaluar shumë kohë në LA duke ndjekur interesat dhe karrierën time, dhe tani është koha që ata të ndjekin të tyret. Të gjithë po lulëzojnë. Ka qenë e mrekullueshme”, tha ai.
Wahlberg ka katër fëmijë: Ella, 18 vjeç, Michael, 16 vjeç, Brendan, 13 vjeç dhe Grace, 12, me gruan e tij prej 13 vitesh, Rhea Durham.
Shpërngulja erdhi gjithashtu me listën e saj të gjatë të përfitimeve, duke përfshirë një udhëtim të shkurtër në shfaqjet më të mira në qytet.
“Pashë Adelën , pashë Bruno Marsin”, tha ai, duke treguar se kishte marrë bileta për në rezidencat e tyre përkatëse në Vegas.
“Kam parë mjaft shfaqje dhe kam qenë në shumë restorante të shkëlqyera. Ka kaq shumë për të bërë në Vegas dhe është kaq emocionuese”, u shpreh aktori.
Pasi vendosi të linte pronën e tij të mrekullueshme në The Golden State, aktori i “Uncharted” siguroi një pronë në Nevada për familjen e tij.
Wahlberg bleu një shtëpi në Summerlin, që ndodhet pak jashtë Las Vegasit, për 15.6 milionë dollarë (14 milionë euro) në korrik, sipas Las Vegas Review-Journal.
Duke u shfaqur në “The Talk” në tetor 2022, Wahlberg foli për “sfidën më të madhe” me të cilën përballet ndërsa duhet të balancojë karrierën e tij dhe të qenit një njeri familjar.
“Unë dua të jem në gjendje të punoj nga shtëpia. Unë u transferova në Kaliforni shumë vite më parë për të ndjekur aktrimin dhe kam bërë vetëm disa filma gjatë gjithë kohës që kam qenë atje”, ishte shprehur ylli.
“Pra, të jem në gjendje t’u jap fëmijëve të mi një jetë më të mirë dhe të ndjekë ëndrrat e tyre, qoftë vajza ime si kalorës, djali im si basketbollist, djali im i vogël si lojtar golfi, kjo kishte shumë kuptim për ne. Ne erdhëm këtu për t’i dhënë vetes një pamje të re, një fillim të ri për fëmijët dhe ka shumë mundësi këtu. Jam shumë i emocionuar për të ardhmen”, shtoi ai. /Katror.info
Përgatiti:
