Reperi i njohur Kanye West ka thënë se është i hapur për një rikthim në politikë, duke mos u ndikuar aspak nga dështimi në zgjedhjet presidenciale në vitin 2020. Reperi, babai i të cilit luftoi me kancerin në stomak në 2018, tha se do të punojë për të kuruar sëmundjen dhe se do të ndihmojë në promovimin e ajrit të pastët dhe ushqimit të shëndetshëm.
I pyetur nëse ai kishte aspirata të ardhshme politike, West u përgjigj:
“Po sigurisht. Ajo nuk ishte koha. Jam i sigurt që Zoti më bëri të bie mbi shpatën time dhe të them se nuk është koha. Por ai më shpengoi. Ai më dha këtë oksigjen, më dha këtë mundësi dhe dërgoi njerëz të mahnitshëm rreth meje. Ai më dha qëllime të reja. Një jetë e re. Ajër të ri për të marrë frymë dhe respekt të ri gjithashtu”.
Mundesh me e lexu edhe…
West së fundmi ka shprehur se duhet të kishte “luftuar” më shumë me ish-bashkëshorten e tij, yllin televiziv Kim Kardashian në mënyrë që zëri i tij të dëgjohej më shumë. Por, pavarësisht të gjithave, Kanye i kërkoi falje publike Kim-it për çdo stres që ai mund t’i kishte shkaktuar gjatë ndarjes së tyre. Ai tha se ende dëshiron që fëmijët e tij të ndjekin shkollën e tij private të krishterë, Donda Academy.
Gjatë një interviste në podcastin “Alo Mind Full” 45 vjeçari tha se ai nuk ka lexuar asnjë libër dhe e krahasoi leximin me të ngrënit e lakrave të Brukselit.
Përgatiti:
