Studiuesit nga Galaxy Space, një prodhues kinez satelitësh, si dhe disa institucione të tjera kërkimore shkencore, morën pjesë në testimin e parë në det të hapur të konstelacionit të Kinës me orbitë të ulët (LEO).
Pavarësisht se Kina bën hapa të mëdhenj në fusha të ndryshme teknologjike, nga armët hipersonike te inteligjenca artificiale, operatori satelitor kinez Satcom nuk ka arritur të bëjë një përparim global. I fokusuar në nevojat lokale, Satcom është mbështetur në satelitët në orbitat gjeostacionare, por në përpjekjen e për t’u zgjeruar globalisht, tani po kalon në orbitën e ulët të Tokës që mund të konkurrojë me shërbime si Starlink i SpaceX.
Kina synon të krijojë një plejadë prej 13,000 satelitësh në orbitën e ulët të Tokës, të cilët mund të përdoren për të ofruar shërbime interneti në vendet ku mund të pretendojë dominimin e saj dhe të prishë planet e operatorëve ndërkombëtarë satelitorë. Plani është që të përdoret raketa Long March 5B dhe teknologjia shtytëse e fazës së dytë Yuanzheng-2 për të nisur satelitët në orbita të ulëta. Aktualisht, Kina përdor raketën Long March-2C për lëshimet e saj, përfshirë atë të vitit të kaluar. Projekti udhëhiqet nga Akademia Kineze e Teknologjisë Hapësinore (CAST) dhe Akademia e Inovacionit për Mikrosatelitët (IAMCAS), një agjenci nën kujdesin e Akademisë Kineze të Shkencave. AMCAS-it i është caktuar synimi për të lëshuar 30 satelitë deri në fund të vitit dhe do të asistohet nga kompani të tilla si GalaxySptace që kanë lëshuar më parë satelitë në orbitat e ulëta të Tokës.
Mundesh me e lexu edhe...
Në mars 2022, GalaxySpace lëshoi gjashtë satelitë nga Qendra Xichang, së bashku me një satelit komunikimi të dorëzuar në orbitë të ulët, për të formuar plejadën e parë të provës së komunikimit LEO të Kinës. Sateliti peshon rreth 198 kilogramë, dhe së bashku me satelitët e tjerë më të vegjël ai formon një plejadë të vogël të quajtur “mini-merimangë”. Konstelacioni u ndërtua për të ofruar komunikime të pandërprera satelitore me brez të gjerë në orbitë të ulët për një periudhë pak më të gjatë se 30 minuta. Shërbimi do të përdoret nga Kina si një platformë eksperimentale për krijimin e internetit satelitore.
Në testet e fundit të kryera në Detin e Kinës Jugore, studiuesit u përpoqën të testonin aftësinë e komunikimit të satelitëve krahas atyre të lëshuar në orbitat e larta të Tokës duke përdorur mjete ajrore pa pilot.
Testimi është kryer në anijen testuese “Dian Ke No.1”, por ende nuk ka detaje për arritjet.
Kohët e fundit, misionet hapësinore të Kinës janë katërfishuar në krahasim me dekadën e mëparshme. Vetëm në vitin 2022, Kina përfundoi 60 lëshime, duke përfshirë një aeroplan misterioz hapësinor që bëri bujë në mbarë botën.
Kina planifikon të krijojë një rrjet global satelitësh në orbitë të ulët, i cili do të marrë formë në pesë deri në dhjetë vitet e ardhshme. Deri atëherë, SpaceX pritet të vendosë një numër të ngjashëm satelitësh, duke ngritur shqetësimet e astronomëve se këta satelitë po ndërhyjnë në vëzhgimet kërkimore. /Katror.info
Përgatiti:
