Modeli special i Toyota-s GR86 TRUENO Special Edition është një kujtesë e drejtpërdrejtë e modelit AE86 dhe sjell shumë më tepër se grafikat e njohura.
Modeli AE86 u shfaq në treg katër dekada më parë dhe arriti kulmin e popullaritetit me versionin Trueno GT-Apex Liftback, dhe tani ka ardhur në formën e një modeli special GR86 që ka performancë më të mirë dhe një “panda bardh e zi” e quajtur Halo. Toyota ka konfirmuar se një tjetër ngjyrë e quajtur Track bRed do të vijë së shpejti.
Përveç lidhjeve të dukshme vizuale, GR86 TRUENO Edition ka amortizues ZF Sachs dhe frena Brembo. Amortizatorët përdorin azot dhe vaj për të thithur dridhjet, për të maksimizuar kontaktin me tokën dhe për të mbështetur trajtimin e fortë dhe të qëndrueshëm.
Kompleti Brembo përfshin kaliparë me katër piston përpara dhe me dy piston të pasmë, dhe disqet janë të lëmuar dhe të pa shpuar. Blerësit mund të zgjedhin midis një transmetimi manual ose automatik.
Të gjithë shembujt e TRUENO vijnë me një grup rrotash aliazhi 18 inçësh, pragjet e zeza të dyerve dhe mbulesat e pasqyrave anësore të zeza, dhe secila jep të njëjtat 228 kuaj/fuqi dhe 259 Nm çift rrotullues si versioni standard.
Modelet me ndryshues manual të shpejtësisë kanë gjithashtu paketën GR86 Active Safety të sistemeve ndihmëse dhe të sigurisë.
GR86 TRUENO Edition do të jetë në dispozicion nga dimri, dhe çmimet janë ende të panjohura./Katror.info
Përgatiti:
