Brand Finance House vlerësoi vlerën dhe renditi markat më të forta nga industria e medias. Rezulton se platformat digjiitale janë në krye, ndërsa Twitter është në “rënie të lirë”
Brand Finance, një kompani kërkimore që monitoron vlerën e markave në mbarë botën, ka publikuar raportin e saj për sektorin e medias këtë vit. Ai përfshin 50 kompani, d.m.th. fuqinë e markave të tyre, të vlerësuar duke përdorur një metodologji të veçantë dhe të përpiluar në një listë renditjeje. Këtë vit, tabela dominohet sërish nga kompanitë teknologjike të orientuara drejt tregut të konsumit, veçanërisht ato që lidhen me rrjetet sociale, shkruan Katror.info.
Në vend të parë është Google, e cila nuk është rreptësisht një kompani mediatike, por ka tre vjet që renditet e para për shkak të dominimit të saj në fushën e kërkimeve në internet. Vlera e vlerësuar e markës së Google është më shumë se 281 miliardë dollarë, por kjo mund të mos thotë shumë në vetvete, derisa të krahasohet me të tjerët. I dyti në listë, TikTok, shënon edhe katër herë më pak vlerë të markës sipas kësaj liste, në gati 66 miliardë dollarë. Pasojnë Facebook, WeChat, Disney dhe Instagram, dhe Tencent, YouTube, Netflix dhe LinkedIn përmbyllin top 10-shën e parë.
Mundesh me e lexu edhe…
Sipas analistëve, më meritorët për pozicionin e parë të Google këtë vit janë markat Google Wallet, Google Pixel dhe Google Cloud. YouTube, në pronësi të Google, ka një vlerë rreth dhjetë herë më të ulët se ajo e kompanisë së saj mëmë. Megjithatë, sipas “forcës” së markës, YouTube renditet në vendin e lartë të dytë.
Kur bëhet fjalë për rrjetet sociale dhe shërbimet me rritjen më të shpejtë të vlerës së markës, LinkedIn kryeson rrugën, i ndjekur nga Instagram, sërish YouTube, Bloomberg dhe Warner Bros. Në anën tjetër të renditjes është Twitter, për të cilin Brand Finance vlerëson se është në një rënie të madhe – ka rënë 8 vende që nga raporti i vitit të kaluar dhe tani është vetëm në vendin e 34-të në renditje, me një vlerë marke prej 3.9 miliardë dollarësh. Kjo rënie u ndikua nga ndryshimi i pronësisë dhe tashmë kemi parë që blerja nga ana e Elon Musk shkatërroi edhe vlerën e vetë kompanisë, e cila pasqyronte forcën dhe vlerën e markës së saj.
Le të përmendim gjithashtu se WhatsApp u përfshi në rishikim për herë të parë këtë vit, i cili menjëherë u rendit në vendin relativisht të lartë të 17-të me një vlerë të vlerësuar të markës prej 8 miliardë dollarësh. /Katror.info
Përgatiti:
