BMW Seria 7 e vitit 1996, e cila i përkiste reperit të ndjerë amerikan Tupac Shakur, ende nuk ka gjetur pronar të ri dhe arsyeja mesa duket është çmimi i lartë.
Bëhet fjalë për një model 750iL që u ofrua përmes Celebrity Cars në Las Vegas me një çmim prej 1.75 milionë dollarësh, por nuk është shitur ende as pas disa vitesh.
Menaxheri i përgjithshëm i Celebrity Cars, Ryan Hamilton i tha ABC 13 KTNV Las Vegas se interesi për makinën është rritur gjatë javëve të fundit pasi policia kontrolloi shtëpinë e një burri nga Nevada të lidhur me vrasjen e Tupac. Policia kontrolloi shtëpinë e Duane Keffe D Davis, xhaxhai i Orlando Anderson, i cili ishte rivali i Shakurit dhe i dyshuar prej kohësh për vrasjen.
Mundesh me e lexu edhe…
Makina është riparuar dhe rishitur disa herë dhe më shumë ka tërhequr vëmendjen në vitin 2017 kur është ofruar me një çmim prej 1.5 milionë dollarësh.
Celebrity Cars u përpoq të shesë makinën në serialin televiziv “Pawn Stars” në 2018, por një marrëveshje nuk u arrit. Natyrisht, koleksionistët dhe entuziastët nuk janë të gatshëm të shpenzojnë kaq shumë para për makinën, veçanërisht për faktin se panelet origjinale të makinës janë zëvendësuar, kështu që makina konsiderohet pothuajse një 750iL e zakonshme e vitit 1996. Koha do të tregojë nëse BMW e Tupac do të shitet ndonjëherë. /Katror.info
Përgatiti:
