A ju kujtohet vera e adoleshencës? Dashuritë e para, noti natën, aventurat e paharrueshme me miqtë dhe besimi se gjithçka është e mundur nëse e duam mjaftueshëm? Një valë nostalgjie për vera të tilla mes të rriturve u zgjua nga një dramë ëndërrimtare për një trekëndësh dashurie adoleshente në Amazon Prime.
Seriali “The Summer I Turned Pretty” bazohet në librat me të njëjtin emër të shkrimtares Jenny Han. Nëse keni parë hitin e Netflix “All the Boys I’ve Loved Before”, mund t’ju pëlqejë gjithashtu edhe ky adaptim në ekran i romanit më të shitur nga autorja i lartpërmendur.
“Një vajzë. Dy të rinj. Vera që ndryshoi gjithçka”, është përshkrimi i serialit që pushtoi teleshikuesit në mbarë botën, por vërshoi edhe rrjetet sociale. Vetëm në TikTok, videot me hashtag #TheSummerITurnedPretty kanë mbledhur më shumë se 1.3 miliardë shikime, shkruan Katror.info.
Mundesh me e lexu edhe...
Ngjarja ndjek adoleshenten Isabel Belly Conklin (Lola Tung). “Belly” do të thotë bark në anglisht, kështu që është mjaft e qartë se shumica e vajzave të moshës së saj preferojnë të bëhen tullace, sesa të kenë një pseudonim të tillë.
Belly është një vajzë budallaqe dhe djallëzore derisa një verë shfaqet në shtëpinë e plazhit ku ka shkuar gjithë jetën dhe heq syzet ngjyrë rozë. Ajo zbulon se papritmas është bërë Hot Girl – shkatërruesja e botëve.
Familja e saj qëndron çdo verë në një qytet idilik bregdetar të quajtur Cousins, me një familje tjetër që ka dy djem, Conrad dhe Jeremiah. Vëllai më i madh Conrad (Christopher Briney) është një kopje e Leonardo DiCaprios nga vitet ’90-ta, dhe Jeremiah më i ri (Gavin Casalegno) është i adhurueshëm si një retriever i artë në trupin e një djaloshi.
Ata të dy vënë re bukurinë enigmatike të Bella-s dhe seriali kryesisht sillet rreth belbëzimit të saj në bisedat me ta, ndërsa ajo përpiqet të kuptojë nëse i pëlqen vëllai më i madh të cilin e ka pasur gjithmonë simpati, apo i vogli, i cili e ka simpati Bellan.
Në të gjithë këtë rrëmujë, Bella përballet me adoleshencën dhe pjekurinë seksuale. E ndërsa në fillim do të mund të konkludojnë se seriali është mjaft sipërfaqësor dhe i thjeshtë, ai tregon në mënyrë të bukur momentet më të rëndësishme në jetën e një adoleshenti.
Në fund mësojmë se nëna e djemve po lufton me një sëmundje të rëndë, e cila e komplikon ndjeshëm dinamikën. Belly gjithashtu ka një vëlla të lezetshëm të quajtur Steven dhe një mik të ngushtë të quajtur Taylor, dhe të dy kanë një romancë të veçantë. E gjithë historia shpaloset ndërsa këngët e Taylor Swift luajnë në sfond.
Seriali është një nga hitet më të ndjekura të Prime dhe së fundmi zyrtarisht është konfirmuar se po vjen edhe sezoni i tretë. Bëhet e ditur se do të ketë dhjetë episode dhe ende nuk janë bërë të ditura detajet e ngjarjes dhe data e mbërritjes. Prodhimi i sezonit të ri nuk do të fillojë derisa të përfundojë greva e shkrimtarëve dhe aktorëve.
Ndonëse seritë dhe romanet fillimisht ishin të destinuara për një audiencë më të re dhe adoleshentët që sapo po hyjnë në botën e të rriturve, përveç tyre, ata kënaqën edhe një audiencë pak më të vjetër. Sipas Vogue, Hahn e kupton se seriali “zhytet në psikikën romantike të grave të një moshe të caktuar, duke i dhënë audiencës një dashnor të çuditshëm të viteve ’90-ta dhe një që të kujton diçka të krijuar nga inteligjenca artificiale”.
A është vërtet lajm që një grup të rriturish janë pjesë e audiencës? Historitë e adoleshentëve janë argëtuese për të gjithë, dhe shfaqjet si Euphoria dhe Gossip Girl ishin fenomene kulturore përpara se Belly të ishte vetëm një ide në sytë e drejtuesve të Amazon.
Por “The Summer I Turned Pretty” nuk është Euphoria, e as Gossip Girl. Ky serial është serioz. Është e mundur që është veçanërisht interesante për më të moshuarit, sepse ngjall nostalgji për serialet adoleshente të fundit të viteve ’90 dhe fillimit të viteve 2000, të cilët i kujtojnë ende. /Katror.info
Përgatiti:
