Çdo vit më shumë se 120,000 individë përdorin motorin popullor të kërkimit në internet Google për të hulumtuar një pyetje interesante: a janë në të vërtetë Suedia dhe Zvicra i njëjti vend?
Shumë njerëz në mbarë botën nuk bëjnë dallime mes këtyre dy vendeve, ndaj Bordi Suedez i Turizmit vendosi të nisë një fushatë marketingu me synimin për të përcjellë qartë mesazhin për të gjithë ata që shpesh ngatërrojnë Suedinë dhe Zvicrën.
Edhe pse kjo do t’i tingëllojë e çmendur thuajse çdo evropiani, pyetja e lartpërmendur parashtrohet në “Google” nga më shumë se 120 mijë njerëz çdo vit, ndër të cilët numri më i madh i pyetjeve janë nga Shtetet e Bashkuara të Amerikës. Ky informacion është publikuar së fundi Bordi Turistik i Suedisë në rrjetet e tij sociale me emrin Vizitoni Suedinë, ku ka nisur fushata “Zvicra dhe Suedia nuk janë i njëjti vend!”.
Mundesh me e lexu edhe…
Një sondazh i madh i kryer nga Bordi Turistik i SHBA-së zbuloi se gjysma e të anketuarve nuk ishin të sigurt nëse kishte një ndryshim midis dy kombeve dhe madje edhe liderët botërorë nuk janë të imunë ndaj konfuzionit. Gjegjësisht, gjatë fjalimit të vitit të kaluar në samitin e NATO-s, presidenti amerikan gabimisht përmendi Zvicrën duke u treguar gazetarëve për përpjekjet e Suedisë për t’iu bashkuar aleancës ushtarake. Shumë kujtojnë gjithashtu momentin e vitit 2018 kur Bursa e Nju Jorkut vendosi ngjyrat zvicerane para ndërtesës së saj për të festuar hyrjen e gjigantit suedez të teknologjisë Spotify në tregun amerikan.
Në një video të postuar në rrjetet sociale, Suedia propozon të bëhet dallimi midis dy kombeve duke i dhënë secilit vend tema specifike për të cilat mund dhe nuk mund të flasë. Pra, le të flasin zviceranët për majat malore, yodeling, orët, lopët dhe brigjet, dhe suedezët le të fokusohen në tema që lidhen me qoftet, aurora borealis dhe banjot e akullit.
Për ta bërë të qartë dallimin midis dy vendeve, Visit Sweden ka detajuar gjithashtu disa nga mënyrat në të cilat të dy vendet mund të ndryshojnë në faqen e tyre të internetit. Ndërsa Zvicra ka një nga rezervat më të mëdha të arit në botë, Suedia ka “arin pyjor”. Domethënë, çdo vjeshtë suedezët kërkojnë kërpudha, një lloj kërpudhe me shkëlqim të artë. “Nëse ju pëlqejnë bankat, shkoni në Zvicër, dhe nëse preferoni të ecni në plazhe dhe brigje rëre, vizitoni Suedinë”, thotë Bordi Turistik i Suedisë. /Katror.info
Përgatiti:
