Charles Denby thotë se detyra e tij është thjesht të përpiqet të përmirësojë shijen e birrës.
“Ne jemi të interesuar të përmirësojmë shijet e dëshirueshme, të reduktojmë shijet jo shumë të pelqyera dhe të krijojmë shije të reja”, tha ai.
Për miliona e miliona adhurues të lager-it dhe birrës, kjo tingëllon e mrekullueshme. Por kur e dini se çfarë bën në të vërtetë kompania amerikane e zotit Denby, gjërat ndryshojnë paksa. Gjegjësisht, ai është bashkëthemelues dhe CEO i Berkeley Yeast, një nga krijuesit kryesorë të majave të modifikuara gjenetikisht (GM) për industrinë e birrës.
Mundesh me e lexu edhe…
Maja është thelbësore për prodhimin e birrës, pasi konverton sheqernat e marra nga malti i elbit dhe drithërat e tjera në alkool, duke shtuar shijet e veta. Berkeley Yeast ndryshon ADN-në e llojeve të majave për të hequr ose shtuar një gjen specifik. Një nga produktet e saj, maja Tropics, është përshtatur për të ofruar shije frutash.
Z. Denby thotë se maja është më e besueshme për prodhuesit e birrës sesa nevoja për tu furnizuar me këtë frut dhe më e mirë sesa përdorimi i aromatizuesve artificialë.
“Është më konsistente të kesh maja bioinxhinierike dhe kjo zvogëlon varësinë nga përbërësit shtesë që përdoren për të mbajtur, të themi, një pemishte pjeshke të lulëzuar muaj pas muaji, vit pas viti. Mendoni për të gjithë sasinë e ujit dhe plehut që do të shpenzohej në atë kulturë – tha ai. Berkeley Yeast, me qendër në Oakland, Kaliforni, nuk fokusohet vetëm në shtimin e shijes, por gjithashtu mund ta largojë atë.
Një nga varietetet e tij të majave ndihmon në eliminimin e diacetilit, shijën e pakëndshme që karakterizon disa birra. Megjithatë, majatë e reja të modifikuara gjenetikisht në SHBA ende nuk janë miratuar nga Administrata e Ushqimit dhe Barnave të SHBA-së.
Në Lagunitas Brewing, një kompani me bazë në Kaliforni, në pronësi të gjigantit holandez Heineken, prodhuesi i tyre Jeremy Marshall thotë se ndërsa ata nuk kanë ende ndonjë plan për të përdorur maja të modifikuara gjenetikisht, ata po kryejnë prova të tilla. Prodhuesit e tjerë të birrës, nga ana tjetër, nuk janë të përfshirë në prodhimin e birrës së modifikuar gjenetikisht. Carlsberg, një nga kompanitë më të mëdha të birrës në botë, ka zbatuar prej kohësh një politikë të ndalimit të GM në zhvillimin e përbërësve të saj të birrës – elbit dhe maja. Në vend të kësaj, gjigandi danez po punon në kultivimin natyral të varieteteve të reja të elbit, të cilat për shembull, durojnë më mirë nxehtësinë ose thatësirën. Birgitte Skadhauge, drejtuese e laboratorit kërkimor të Carlsberg në Kopenhagë, vë në dukje se kompania tani po përdor një lloj të ri elbi që është më i lehtë për t’u rritur dhe ruan freskinë e tij më gjatë. /Katror.info
Përgatiti:
