Inter Miami thuhet se ka rënë dakord për një marrëveshje për të nënshkruar me ish-sulmuesin e Liverpool, Luis Suarez.
Sipas ESPN, Suarez, i cili aktualisht po luan për skuadrën braziliane Gremio, do të nënshkruajë një marrëveshje njëvjeçare me një opsion për një vit tjetër.
36-vjeçari thuhet se do të largohet nga klubi me bazë në Porto Alegre në fund të sezonit në dhjetor.
Mundesh me e lexu edhe...
Thashethemet për një transferim të mundshëm të Suarez në Florida kanë qarkulluar prej disa muajsh dhe nëse ai do të transferohet në stadiumin DRV PNK, ai do të ribashkohej me ish-shokët e skuadrës së Barcelonës, Lionel Messi, Sergio Busquets dhe Jordi Alba.
Suarez regjistroi 82 gola në 133 paraqitje për Liverpoolin, përfshirë 31 në sezonin 2013/14, pasi skuadra e Brendan Rodgers iu afrua përfundimit të një pritjeje 24-vjeçare për një trofe të Ligës Premier.
Ai gjithashtu fitoi një Kupë të Ligës në vitin 2012, pasi “The Reds” mundën Cardiff City në finale në “Wembley”.
Suarez kaloi gjashtë sezone duke luajtur së bashku me atë treshe në “Camp Nou” nga 2014 në 2020, duke fituar katër tituj të La Ligës dhe një titull të Ligës së Kampionëve në 2015. Ai gjithashtu shijoi dy sezone me Atletico Madridin, duke e ndihmuar klubin të shpallet kampion i Spanjës.
Ai nënshkroi një kontratë dyvjeçare me Gremion në dhjetor të vitit 2022, ku ka shënuar tetë herë në 20 paraqitje.
Duke folur muajin e kaluar, trajneri i Inter Miami, Gerardo Martino konfirmoi interesimin e klubit të tij për nënshkrimin e sulmuesit.
“Kur të vijë momenti për të treguar më shumë për situatën e Suarez në lidhje me Inter Miamin, ne do të jemi të përgatitur të shkojmë në drejtimin përkatës”, kishte thënë Martino./Katror.info
Përgatiti:
