Futbollisti shqiptar, Granit Xhaka, pas kalimit të tij te Bayer Leverkusen në verën e këtij viti, ka arritur sukses të shkëlqyer, transmeton albinfo.ch.
Në mesfushë, ai ka bërë një ndikim pozitiv, duke treguar aftësi të jashtëzakonshme në udhëheqje dhe precizion në pasime, cilësi që i ka ruajtur që nga kohët e tij te Arsenali.
Duke luajtur si mesfushor qendror krah Exequiel Palaciosit, Xhaka ka vërtetuar të jetë një lojtar vendimtar në duele dhe në dhënien e pasimeve të sakta, me statistika që e vendosin si një ndër mesfushorët më precizë në top shtatë ligat evropiane, raporton Squawka.
Mundesh me e lexu edhe...
Në Bundesligë, përqindja e suksesit të pasimeve e Xhakës është e lartë:
◉ Granit Xhaka (92,6%)
◉ Exequiel Palacios (92,1%)
◉ Angelio Stiller (91,9%)
◉ Kevin Kampl (91,2%)
◉ Joshua Kimmich (90,8%)
Me një numër rekord të pasimeve të suksesshme në pjesën kundërshtare, Xhaka kryeson listat si lojtari me performancën më të mirë në pasime ndër shtatë kampionatet kryesore evropiane. Shifrat tregojnë se ai është një nga maestrot e pasimeve në Bundesligë këtë sezon.
Detajet statistikore të Xhakës për sezonin 2023/24 janë impresionuese:
◉ 1017 pasime të suksesshme
◉ 559 pasime brenda pjesë-fushës së kundërshtarit
◉ 216 pasime të suksesshme në pjesë-fushës së kundërshtarit
◉ 129 pasime direkte në pjesë-fushës së kundërshtarit
◉ 15 pasime të suksesshme në zonën kundërshtare.
Deri më tani, Xhaka ka shënuar një gol dhe ka dhënë një asist në sezonin aktual të Bundesligës. Edhe pse statistikat e tij ofensive nuk janë shumë të larta, duke regjistruar vetëm 9 gjuajtje, nga të cilat 3 kanë qenë në portë, dhe duke krijuar vetëm 12 raste, qëllimi i tij këtë sezon ka qenë qartazi më shumë te pjesa mbrojtëse dhe qëndrueshmëria në mesfushë, duke qenë shpesh pranë shënimit në disa raste. /Katror.info
Përgatiti:
