Të shtunën nis “Java Kundër Korrupsionit me sloganin #LypLlogari për paret tua”.
Kjo fushatë do të nisë me aktivitetin kryesor, që do të mbahet të shtunën më 9 dhjetor në Ditën Ndërkombëtare Kundër Korrupsionit në sheshin “Zahir Pajaziti” në Prishtinë, me fillim në ora 11:00.
Në këtë ngjarje, përveç përfaqësuesve të Aktivitetit të USAID-it për Integritet të Komunave të
Kosovës do të marrin pjesë edhe institucionet kryesore mbikëqyrëse të prokurimit publik në
Kosovë, ku do të mbajnë fjalime të shkurtëra; znj. Vlora Spanca – Auditore e Përgjithshme në Zyrën Kombëtare të Auditimit, z. Osman Vishaj – Kryetar i Bordit të Komisionit Rregullativ të Prokurimit Publik si dhe znj. Maia Gogoladze – Drejtore e Aktivitetit të USAID-it për Integritet të Komunave të
Kosovës.
Mundesh me e lexu edhe...
Qëllimi kryesor i kësaj kampanje të organizuar nga Aktiviteti i USAID-it për Integritet të
Komunave të Kosovës është që të promovohet llogaridhënia, integriteti dhe transparenca në
të gjitha nivelet e qeverisjes dhe në jetën e përditshme të qytetarëve të Kosovës.
Kjo kampanjë do të bëjë më shumë sesa thjesht shkëmbim informacioni; synon që t’i përfshijë
aktivisht qytetarët. Ne duam t’u tregojmë atyre se si këto parime të qeverisjes së mirë do t’u
sjellin dobi drejtpërdrejt atyre çdo ditë.
Gjithashtu në kuadër të kësaj fushate një instalacion në formë të tunelit me dy hyrje do t’ju
ofrojë qytetarëve mundësinë për të përjetuar dallimin me dritës (punëve pa korrupsion) dhe
errësirës (punëve me korrupsion).
Ndërsa aktiviteti tjetër që do të shënojë Ditën Kundër Korrupsionit më 9 dhjetor (prej orës
18:30 deri në 21:30). do të jetë paraqitja e mesazheve të ndryshme që kanë të bëjnë me
llogaridhënien, integritetit dhe transparencën e institucioneve publike në fasadën e ish hotel
UNIONIT në Sheshin ‘Skënderbeu’ në Prishtinë./Katror.info
Përgatiti:
