Dy gjigantë të teknologjisë po luftojnë për titullin e kompanisë më të vlefshme në botë.
Kjo pasi që Microsoft ka kaluar Apple për herë të parë që nga viti 2021 për t’u bërë firma më e vlefshme në botë për nga kapitalizimi i tregut – që mat vlerën dhe numrin e aksioneve të një kompanie, shkruajnë mediat e huaja, përcjell Telegrafi.
Microsoft ia kaloi Apple në pika të shumta gjatë tregtimit të së enjtes në Bursën e Nju Jorkut (NYSE) kur vlera e tij arriti në 2.87 trilionë dollarë dhe aksionet e Apple ranë me 1%.
Mundesh me e lexu edhe…
Por Apple rimori vendin e parë me kalimin e ditës së tregtimit.
Kjo lëvizje e fundit vjen pas një investimi të madh në inteligjencën artificiale (AI) nga Microsoft.
Ajo është mbështetësi më i madh i OpenAI, kompania që qëndron pas chatbotit gjenerues të AI ChatGPT.
Në të njëjtën kohë, Apple është përballur me shqetësime për kërkesën për shitjet e iPhone, veçanërisht në tregun kryesor të Kinës.
Rivalët për një kohë të gjatë kanë ndryshuar vendet e para si firmat më të vlefshme në botë më parë.
Gjatë pandemisë COVID-19, Microsoft ishte më i vlefshëm kur bumi i punës në distancë rriti kërkesën për softuerin e tij.
Në të njëjtën kohë, Apple vuajti nga vështirësitë e zinxhirit të furnizimit dhe kufizimet e lidhura me COVID-19 në fabrikat e saj në Kinë.
Apple kishte qenë në pozitën e parë që nga viti 2010 për shkak të suksesit të iPhone, të cilin Microsoft pati vështirësi për ta sfiduar.
Bumi i AI ka qenë një ndihmë për disa vlerësime të kompanive, megjithatë, duke përfshirë Microsoft.
Dhe në fillim të këtij viti, një kompani që prodhon çipa kompjuterikë për AI, Nvidia, u bë prodhuesi i parë i çipave me vlerë 1 trilion dollarë. /Katror.info
Përgatiti:
