Këngëtarja e njohur shqiptare Dafina Zeqiri ka bërë një hap të madh në karrierën e saj, duke sjellë për fansat e saj një dhuratë muzikore të plotë në formën e albumit të saj të ri.
Të gjitha këngët nga projekti i saj më i freskët, me titull “Absolute”, janë tashmë të disponueshme për tu dëgjuar nga publiku në kanalin e saj zyrtar në YouTube.
“Absolute” është një koleksion prej 12 këngësh që shfaqin një gamë të gjerë të stileve muzikore dhe tregon aftësinë e Dafinës për të eksploruar dhe eksperimentuar me zhanre të ndryshme.
Mundesh me e lexu edhe…
Ky album, i cili tashmë po merr vlerësime pozitive, përmban gjashtë bashkëpunime me artistë të ndryshëm të skenës muzikore shqiptare, duke përfshirë emra si reperi i respektuar MC Kresha, talenti i njohur Vig Poppa, reperi Mozzik, ikona e këngës popullore Afrim Muqiqi, si dhe artisti i hip-hopit, Elinel.
Pavarësisht nga ndryshimet në industrinë muzikore, Dafina Zeqiri ka mbetur një ndër emrat më të ndjekur dhe me ndikim, duke ruajtur një lidhje të fortë me ndjekësit e saj.
Lansimi i “Absolute” në YouTube është një mundësi për të gjithë ata që e duan muzikën e Dafinës të përjetojnë albumin në një mënyrë shumë të qasshme.
Këtu mund t’i gjeni të gjitha këngët e albumit “Absolute” nga Dafina Zeqiri. /Katror.info
Përgatiti:
