Këtë prill, platformat kryesore të transmetimit sjellin një sërë serialesh emocionuese, duke përfshirë rikthimin e dramave të njohura dhe premiera të reja me aktorë të njohur. Nga horrorët dhe thriller-at deri te komeditë dhe dramat e fuqishme, këto janë disa nga serialet më të rëndësishme që do të shfaqen këtë muaj, shkruan BBC, përcjell Katror.info.
1. The Bondsman (Amazon Prime – 3 Prill)
Kevin Bacon rikthehet me një rol të ri në këtë serial horror-komedi, ku luan Hub Halloran, një gjahtar shpërblimesh që vritet, por rikthehet në jetë nga vetë djalli. Ai duhet të ndjekë dhe kthejë demonët që kanë ikur nga ferri, duke u përballur njëkohësisht me sfidat e jetës personale. Seriali është prodhim i Blumhouse, kompania që qëndron pas suksesit të filmave horror si The Purge.
2. Pulse (Netflix – 3 Prill)
Një dramë e re mjekësore që ndjek jetën e studentëve dhe mjekëve në një spital traumatologjik në Miami. Në qendër të historisë është Danielle (Willa Fitzgerald), e cila bëhet shefe e rezidentëve pas pezullimit të shefit të mëparshëm, që rastësisht është edhe ish-i saj. Situata përkeqësohet kur një uragan godet qytetin dhe ata detyrohen të punojnë së bashku.
Mundesh me e lexu edhe...
3. Dying for Sex (Hulu/Disney+ – 4 Prill)
Michelle Williams luan rolin e Molly-t, një grua me kancer të fazës së fundit, e cila vendos të jetojë me intensitet të plotë duke eksperimentuar seksualisht. Bazuar në podcast-in e njohur të Nikki Boyer, seriali ndërthur dramën me humorin dhe ka marrë vlerësime të larta nga kritikët.
4. The Handmaid’s Tale (Sezoni Final) (Hulu – 8 Prill)
Seria distopike, e bazuar fillimisht në librin e Margaret Atwood, arrin sezonin e saj të fundit. June (Elisabeth Moss) largohet nga Kanadaja për të vazhduar luftën kundër Gilead-it, ndërsa antagonistët e fuqishëm si Serena (Yvonne Strahovski) dhe Aunt Lydia (Ann Dowd) rikthehen për këtë përballje të fundit.
5. Hacks (Sezoni 4) (Max – 10 Prill)
Jean Smart rikthehet si Deborah Vance në këtë komedi të dashur nga publiku. Në këtë sezon, ajo realizon ëndrrën e saj për të pasur një emision të natës, por përballet me ambicien e ashpër të Ava-s (Hannah Einbinder), e cila përdor shantazh për të siguruar një pozicion të lartë në ekipin e saj.
6. Black Mirror (Sezoni 7) (Netflix – 10 Prill)
Charlie Brooker rikthehet me një sezon të ri të Black Mirror, duke sjellë një vazhdim të episodit të famshëm USS Callister, si dhe pesë episode të tjera të mbushura me emra të mëdhenj si Paul Giamatti, Awkwafina dhe Emma Corrin. Tema e realitetit dhe teknologjisë vazhdon të jetë kryefjala e serialit.
7. Your Friends and Neighbors (Apple TV+ – 11 Prill)
Jon Hamm luan rolin e një menaxheri të fondeve që humbet gjithçka dhe detyrohet të vjedhë nga miqtë e tij për të mbajtur një fasadë të jetës luksoze. Një dramë komedi që eksploron rënien sociale dhe shpëtimin e pamundur.
8. The Last of Us (Sezoni 2) (HBO – 13 Prill)
Pedro Pascal dhe Bella Ramsey rikthehen në këtë vazhdim të adaptimit të lojës The Last of Us. Historia nis pesë vite pas ngjarjeve të sezonit të parë, me një Joel dhe Ellie të larguar nga njëri-tjetri dhe një variant të ri, më të rrezikshëm, të të infektuarve.
9. Government Cheese (Apple TV+ – 16 Prill)
David Oyelowo luan një burrë të sapo dalë nga burgu, i cili përpiqet të rimëkëmbë jetën dhe familjen e tij. Ai shpik një vegël revolucionare, ndërsa përballet me realitetin e jetës pas burgut dhe një marrëdhënie të çuditshme me fenë.
10. Andor (Sezoni 2) (Disney+ – 22 Prill)
Prequel-i i Rogue One: A Star Wars Story vjen me sezonin e tij të dytë, duke vijuar rrugëtimin e Cassian Andor drejt Rebelimit. Seriali është vlerësuar si një nga historitë më të mira në universin e Star Wars.
11. Étoile (Amazon Prime – 24 Prill)
Krijuesja e Gilmore Girls dhe The Marvelous Mrs. Maisel, Amy Sherman-Palladino, sjell një dramë komedi të vendosur në botën e baletit. Seriali ndjek dy kompani të mëdha baleti në New York dhe Paris, të cilat ndajnë balerinët e tyre për të shpëtuar nga kolapsi.
Charlotte Gainsbourg dhe Luke Kirby janë në krye të kastit, së bashku me disa nga balerinët më të njohur të New York City Ballet dhe Boston Ballet. /Katror.info
Përgatiti:
