Është miratuar buxheti për vitin 2024 në Kuvendin e punës në Federatën e Futbollit të Kosovës.
Ky buxhet do të ketë një rritje prej një milionë euro më shumë krahasuar me vitin e kaluar, pra do të jetë 20 milionë e 970 mijë e 566 euro.
Drejtori i financave në FFK zbuloi detaje se cilat janë kanalet nga të cilat do të vijnë këto të hyra duke thënë se ato vijnë nga kontrata me sponsor, nga UEFA dhe FIFA dhe nga ana e Ministrisë së Kulturës, Rinisë dhe Sportit.
Mundesh me e lexu edhe…
Ky projektbuxhet u miratua nga të gjithë delegatët në Kuvendin e Punës së Federatës së futbollit të Kosovës.
Gashi ka zbuluar të gjitha shpenzimet e FFK-së dhe të hyrat që janë në shtëpinë më të madhe të futbollit kosovar.
Shpenzimet më të mëdha FFK i ka në pagat, pasi në vitin 2023 për paga u shpenzuan 4 milionë e 53 mijë e 325 euro nga 25 sektore apo njësi që kompensohet nga FFK, duke filluar nga administrata, ekipet nacionale, administrata e lidhjeve rajonale, gjyqtarët e të gjitha ligave, ekipet e femrave, gjyqtarët dhe zyrtarët e futsalit, ekipi u21.
Trajnerët e gjitha grupmoshave, delegatët, ligat e femrave, futsalit, liga e veteraneve dhe u21 që janë paguar nga ky buxhet. /Katror.info
Përgatiti:
