Nuk ka pushim për Superligën e Kosovës në futboll as në këtë mesjavë. Të mërkurën dhe të enjten do të zhvillohet xhiroja e 20-të.
Padyshim që e gjithë vëmendja do të jetë tek kryendeshja mes Dritës e Ballkanit, dy konkurruesve për titull, që luhet ditën e mërkurë.
Kjo përballje, të dy ekipet i gjen me formë të ndryshme, por edhe me pozicion të ndryshëm në renditje.
Mundesh me e lexu edhe…
Suharekasit janë lider në tabelë me 44 pikë, shtatë më shumë se të kaltrit nga Gjilani që janë të tretit.
Por në pesë sfidat e fundit, formë më të mirë ka Drita me tri fitore e dy humbje, derisa Ballkani ka vetëm një fitore, tri barazime e një humbje. Në duelet direkte, secili ekip ka nga një fitore të realizuar.
E të mërkurën zhvillohen edhe dy ndeshje tjera. Një tjetër sfidë interesante ajo mes Prishtinës e Malishevës.
Vetëm dy pikë i ndanë të dy skuadrat, më mirë qëndron Malisheva e katërta, një vend më poshtë Prishtina.
Malishevasit janë në formë tejet të mirë në pesë takimet e fundit, me katër fitore e një humbje, derisa kryeqytetasit tri barazime e dy fitore.
Pas barazimit që mori më udhëtim te Ballkani, këtë mesjavë, Feronikeli 74 e pret Gjilanin në shtëpi. Dallimi mes dy skuadrave është dy pikë, Nikli është më lartë.
Të kuqtë nga Gjilani nuk dinë për fitore në pesë ndeshjet e fundit në kampionat.
Skuadra më në formë e kohëve të fundit, Llapi që ka katër fitore rresht dhe e kërkon të pestën në udhëtim te Fushë Kosova, një nga dy skuadrat më të dobëta të ligës.
Pas kësaj ecurie fantastike, llapjanët e kanë zvogëluar në katër pikë diferencën me vendin e parë, kurse Fushë Kosova është e parafundit me 11 pikë, dy më shumë se vendi i fundit.
Dukagjini-Liria do të jetë ndeshja e fundit e javës së 20-të në futboll.
Klinasit kërkojnë të rikthehen tek fitorja, pas humbjes nga Llapi, kurse prizrenasit nuk dinë se çfarë është fitorja që gjashtë xhiro.
Në tabelë, klinasit janë të gjashtit me 27-të pikë, kurse Liria e fundit me vetëm nëntë pikë./Katror.info
Përgatiti:
