Robotët që lëvizin me shpejtësi nëpër shtigje të ndryshme rrugore mund të tingëllojnë diçka “futuristike”, por ata po përdoren gjithnjë e më shumë për të bërë dërgesa në të gjithë botën.
Por pasiguria ligjore dhe shqetësimet për sigurinë kanë penguar përhapjen e gjerë në Australi, me robotët që klasifikohen në një zonë gri të ligjeve ekzistuese të trafikut.
Ekspertët thonë se pa një kornizë të qartë ligjore, kompanitë hezitojnë të testojnë shërbime të tilla në vend.
Mundesh me e lexu edhe...
Megjithatë, interesi po rritet, shkruajnë mediat e huaja, përcjell Telegrafi.
Mbështetësit e kësaj teknologjie theksojnë se robotët mund të ndihmojnë në uljen e ngarkesës në trafik, reduktimin e ndotjes dhe shkurtimin e kostove të dorëzimit – veçanërisht në zonat urbane dhe ambiente të kontrolluara si kampuset universitare.
Me ligje të reja për automjetet autonome të planifikuara për vitin 2026, ekspertët shpresojnë që autoritetet australiane të tregojnë më shumë guxim për të përqafuar të ardhmen e dorëzimeve me robotë. /Telegrafi./Katror.info
