Teshtimat janë metoda e trupit për nxjerrjen e irrituesve si pluhuri, poleni ose mikrobet nga hunda dhe fyti.
Trurit i dërgohet një mesazh për të laguar këta irritues sa më shpejt të jetë e mundur.
Sinjalet shkojnë tek muskujt në gjoks, bark, kordat vokale dhe pjesën e pasme të fytit, duke “u thënë” atyre që të punojnë së bashku për të dëbuar irrituesit nga rrugët tuaja të frymëmarrjes.
Mundesh me e lexu edhe...
Refleksi i teshtimës e dëbon ajrin nga hunda me një shpejtësi rreth 150 kilometër në orë. Në këtë mënyrë, vetëm një tështimë mund të nxjerrë 100.000 mikrobe në ajër.
Kjo është arsyeja pse teshtimat përhapin kaq shpejt mikrobet në ajër dhe pse është kaq e rëndësishme të mbuloni gojën me një pecetë kur teshtini.
Çfarë e shkakton teshtitjen?
Disa njerëz teshtijnë vetëm një ose dy herë, ndërsa të tjerë disa herë radhazi.
Nëse teshtitja e parë nuk ishte mjaftueshëm e fuqishme për të hequr qafe këta irritues, trupi do t’ju bëjë të teshtini disa herë radhazi derisa t’i dëboni ata jashtë.
Teshtitjet e shumta në përgjithësi nuk janë shkak për shqetësim, por nëse ju duket sikur po teshtitni pa pushim, shkaku mund të jetë alergjia.
Nëse jeni të ekspozuar ndaj një alergjeni në mënyrë të vazhdueshme, sulmet do të jenë më të shpeshta.
A mund t’i ndaloni sulmet e teshtitjes?
Teshtimat e pafundme mund të jenë të bezdisshme veçanërisht në mjediset sociale por a ka ndonjë gjë që mund të bëni për t’i ndaluar ato?
Mos e mbani teshtimën
Disa njerëz mund të frenojnë teshtitjen duke shtrënguar hundën, por kjo nuk është një ide e mirë.Duke e mbajtur teshtimën mund të çojë në rritje të presionit në zgavrën e hundës, mushkëritë dhe rrugët e frymëmarrjes.
Kjo gjë mund të dëmtojë enët e gjakut tek sytë, hunda ose tek daullet e veshit.
Gjithashtu mbajtja e teshtimës rrit mundësinë që bakteret ose virusi t’ju sëmurë.
Dhe nëse vuani nga probleme të caktuara shëndetësore mund të përjetoni edhe efekte anësore më serioze.
Për shembull ata me presion të lartë të gjakut mund të përjetojnë gjakderdhje nga hundët dhe ata me emfizemë mund të zhvillojnë edhe pneumotoraks, një gjendje kërcënuese për jetën ku ajri bllokohet midis shtresave të mushkërive.
Ju mund të jeni në gjendje të zvogëloni sulmet e teshtitjes duke adresuar ditur dhe shmangur shkakun.
Nëse vëreni se aroma të caktuara, ushqime ose ajri i thatë shkakton teshtitjen tuaj, shmangia e këtyre irrituesëve mund të ndihmojë.
Trajtoni alergjitë
Nëse dyshoni se teshtitjet tuaja lidhen me alergjinë, lini një takim me një alergolog.
Ai mund t’ju ndihmojnë të identifikoni irrituesit tuaj, t’ju rekomandojë medikamente dhe ndryshime në stilin e jetës për të vënë nën kontroll simptomat tuaja./Agroweb.org/Katror.info
Përgatiti:
