Me ligjin e ri për rregullat e trafikut, gjobat janë të larta. Por, kjo është arsyetuar me ngritjen e vetëdijes së qytetarëve dhe uljen e aksidenteve fatale në trafik.
E për ju që ndoshta nuk i dini, ne sot do t’ju sjellim gjobat e ndryshuara.
– 150 euro është dënimi për shoferin dhe të gjithë personat që nuk e vendosin rripin e sigurisë, siç parashihet nga prodhuesi i makinës.
Mundesh me e lexu edhe…
Gjithashtu, kujdes me përdorimin e telefonave, sepse do të gjobiteni!
100 € + 1 pikë negative për shoferin, që haset për herë të parë. Por, nëse e përsëritni do të dënoheni 200 euro, 3 muaj ndalim i vozitjes + 2 pikë negative.
E dënimi edhe më i madh është nëse shoferi haset per herë të tretë – 500 euro + 6 muaj ndalim i drejtimit të mjetit si dhe 3 pikë negative.
E në rast të mos regjistrimit të veturës jo më gjatë se 30 ditë dënimi është, 200 euro + konfiskimi i targave, ndërsa për personat juridikë 500 € si dhe konfiskimi i targave. E nëse regjistrimi ka skaduar më tepër se 30 ditë, përvec gjobës, do të konfiskohet vetura.
Dënime të mëdha janë paraparë edhe për tejkalim të shpejtësisë si brenda ashtu edhe jashtë vendbanimit.
Sa i përket shpejtësisë brenda vendbanimit
– 20 € – për tejkalim të shpejtësisë nga 5 – 10 km në orë; 40 euro për tejkalim të shpejtësisë nga 10 – 20; 60 euro për tejkalim të shpejtësisë nga 20 – 30 km. Për tejkalim të shpejtësisë nga 30 – 50 km në orë dënimi është 200 € + 3 muaj ndalim i vozitjes dhe 3 pikë negative; ndërsa 300 € + 6 muaj ndalim i drejtimit të mjetit + 3 pikë negative – për tejkalim të shpejtësisë nga 50 – 70 km. E ju që vozisni 70-100 km mbi shpejtësinë e lejuar do të dënoheni me 400 €, 9 muaj ndalim i vozitjes dhe 4 pikë negative. Dënimi maksimal për tejkalim të shpejtësisë mbi 100 km është 500 €, 12 muaj ndalim i vozitjes + 5 pikë negative.
Sa i përket shpejtësisë jashtë vendbanimit gjobat janë si në vijim:
– 20 € – për tejkalim të shpejtësisë nga 10 – 20 km/h mbi shpejtësinë e lejuar
– 40 € – për tejkalim të shpejtësisë nga 20 – 30 km/h mbi shpejtësinë e lejuar
– 150 € + 2 pikë negative – për tejkalim të shpejtësisë nga 30 – 50 km/h mbi shpejtësinë e lejuar
– 300 € + 3 muaj ndalim i drejtimit të mjetit + 3 pikë negative – për tejkalim të
shpejtësisë nga 50 – 100 km/h mbi shpejtësinë e lejuar
-500 € + 6 muaj ndalim i drejtimit të mjetit + 5 pikë negative – për tejkalim të
shpejtësisë mbi 100 km/h mbi shpejtësinë e lejuar.
Për mos përdorimin e helmetës parashihen:
– 100 € shoferi dhe personat tjerë që barten në këto mjete, ndërsa për personat
e moshës nën 16 vjeç dënimi i shkon te kujdestari ose prindi
– Shoferi i cili haset në trafik gjatë masës mbrojtëse ndalim i të drejtuarit të mjetit me veprim motorik
– 500 € + 6 muaj i shtohet ndalimi i drejtimit të mjetit + 5 pikë negative +
konfiskohet përkohësisht mjeti të cilin është hasur duke e drejtuar, derisa ndaj të njëjtit është aktive masa mbrojtëse ndalim i të drejtuarit të mjetit me veprim motorik.
– Ndalim i tejkalimit të mjeteve
– 200 € + 3 muaj ndalim i drejtimit të mjetit + 2 pikë negative
Vozitës të dashur, gjobat janë të larta e që nga hyrja në fuqi e ligjit, policia ka shqiptuar afër 40 mijë gjoba.
Andaj respektoni rregullat duke ruajtur veten edhe xhepin! /Katror.info
Përgatiti:
