Në disa vende evropiane, mjekët po japin si ‘receta’ aktivitete jo-mjekësore si shëtitje në pyll, klasa arti apo sport për të ndihmuar pacientët që përballen me vetmi, stres apo probleme sociale. Kjo qasje quhet “recetë sociale”.
Në vend që t’ju jepet ilaç, pacientët po dërgohen tek një person specialist, që i ndihmon të gjejnë aktivitete që përmirësojnë gjendjen mendore dhe fizike – si klube lokale, muze, natyrë, ose aktivitete krijuese, përcjell Tirana Post.
Kjo metodë po testohet në 8 vende të BE-së për të ndihmuar veçanërisht të moshuarit e vetmuar, refugjatët dhe komunitetin LGBTQ. Hulumtimet tregojnë se kjo mund të përmirësojë shëndetin, të ulë vizitat te mjeku dhe të rrisë motivimin dhe ndjenjën e qëllimit në jetë.
Mundesh me e lexu edhe…
Por, studiuesit duan prova më të qarta për efektet e saj. Për këtë arsye, po bëhen studime me financim nga BE për të parë nëse recetat sociale funksionojnë vërtet në përmirësimin e shëndetit dhe mirëqenies.
Recetat sociale nuk zëvendësojnë mjekimin tradicional, por janë një mënyrë e re për të ndihmuar njerëzit të ndihen më mirë përmes lidhjes me komunitetin dhe aktivitete që kanë kuptim për ta./Katror.info
Përgatiti:
