Adell Shaboviç i Kosovës dhe Grisi Koxhaku i Shqipërisë kanë përfunduar garimin e tyre në not 100 metër stil i lirë në “La Defense Arena”.
Të dy notarët ishin pjesë e Baterisë 3, aty ku Sabovic kapi vendin e dytë, ndërsa Koxhaku të pestin.
Me kohën 55.77 sekonda, Shaboviç doli 0.56 sekonda pas Zaid Faisal M Alsarraj të Arabisë Saudite.
Mundesh me e lexu edhe…
Në listën përfundimtare me 79 notarë, Shaboviq është renditur në vendin e 58-të, me 4.20 sekonda dallim prej garuesit të parë në listë, amerikanit, Jack Alexy, i cili e ka përfunduar garën për 47.57 sekonda.
Në përgjithësi, Shaboviç u rendit i 58-ti nga 79 garues, duke lënë prapa 21 notarë. Koha e tij e sotme është rekord kombëtar në Kosovë.
Koxhaku ka përfunduar në vendin e pestë duke e përshkruar distancën me kohën 52.32 sekonda.
Kujtojmë se për më tej kualifikohen 16 notarët më të shpejtë të dhjetë Baterive.
Ndryshe, ky ishte debutimi i Sabovicit në Lojërat Olimpike.
Shqipëria u përfaqësua më herët gjatë Lojërave të Parisit në not nga 16-vjeçarja Kaltra Meça, e cila përfundoi në vendin e katërt në baterinë e saj, duke mos mundur të siguronte kualifikimin e mëtejshëm.
Sportistja e “Team Albania” garoi në baterinë e parë kualifikuese në 200m stil i lirë, ku vendosi kohën 2:12:21.
Ndërkohë, Kosova do të përfaqësohet në not në 50 metër stil i lirë nga Hana Beiqi, e cila do të ketë garën e saj më 3 gusht, duke filluar nga ora 10:00./Katror.info
Përgatiti:
