Larry dhe Kelly Peterson u njohën kur ishin vetëm 10 vjeç në një kamp për Spina Bifidën, ku zbuluan se kishin lindur në të njëjtën ditë.
Pas një historie dashurie gjatë shkollës së mesme, ata humbën kontaktin për 10 vjet, por u rikthyen përmes mediave sociale dhe ranë [përsëri] në dashuri. Këtë vit, çifti nga Indiana u martua dhe vendosi të ndjekë rrugën e adoptimit për të krijuar një familje, shkruan Good News Network, përcjell Katror.info.
Megjithëse Kellye, e cila nuk mund të lindë një fëmijë biologjik ishte një herë e informuar se gjendja saj mund ta pengonte atë të adoptonte, ajo dhe Larry nuk u dorëzuan. Përmes një agjencie adoptimi për nevojat e veçanta, ata zbuluan historinë e Hadley dhe e dinin se mund t’i ofronin asaj dashurinë, mbështetje dhe kuptimin që ajo kishte nevojë.
Mundesh me e lexu edhe…
Këtë korrik, jo vetëm që Larry dhe Kelly festuan katër vjetorin e martesës së tyre, por ata arritën të zgjerojnë familjen e tyre duke adoptuar vajzën e vogël, Hadley, e cila, si ata, ka Spina Bifida.
Falë Rrjetit të Adopcionit për Sindromën Down dhe Special Angels Adoption, Petersonët e morën vajzën e tyre. Çifti besonte se nuk kishte njeri më të mirë për ta rritur këtë fëmijë sesa dy njerëz që kanë një kuptim të thellë të çështjeve që ajo po përballet dhe do të përballet në të ardhmen.
Deri më tani, të qenit prindër ka qenë një përvojë e gëzueshme dhe sfiduese. Ata janë gëzuar duke parë zhvillimin e personalitetit të saj dhe duke ndjekur arritjet e saj. Pavarësisht se Kelly ka një përvojë të gjerë me fëmijët me aftësi të kufizuara, si mësuese për edukimin e fëmijëve me nevoja të veçanta për 18 vjet, të qenit prind është një çështje krejt tjetër.
Tani, çifti dëshiron të bëhet një burim mbështetjeje për të rriturit me ‘Spina Bifida’ që shpresojnë të adoptojnë. Ata duan të ndihmojnë në zhdukjen e stigmës dhe stereotipeve negative që lidhen me nevojat e veçanta dhe prindërimin, dhe gjithashtu të jenë të gatshëm për prindërit që sapo kanë marrë një diagnozë të ‘Spina Bifida ‘në familje.
Kohët e fundit, ata krijuan një faqe në Facebook të quajtur Journey Down a Country Road: Spina Bifida + Adoption = Our Family, për të lejuar njerëzit të bëjnë pyetje ose të kërkojnë mbështetje për tema të tilla si adoptoni dhe prindërimi.
“Ne duam që shoqëria të shohë se njerëzit me Spina Bifida jetojnë një jetë ashtu si bashkëmoshatarët e tyre pa nevoja të veçanta. Nuk është diçka befasuese ose mahnitëse. Ne po jetojmë jetën tonë si të gjithë të tjerët,” tha Kelly.
Larry dhe Kelly inkurajojnë njerëzit me Spina Bifidë që duan të bëhen prindër të mos e lënë disabilitetin, frikërat e tyre, ose mendimet e të tjerëve t’i pengojnë në realizimin e këtij qëllimi. Sa i përket adoptimit si një person me nevoja të veçanta, ata u bëjnë thirrje të tjerëve të mos pranojnë fjalën “jo” nga agjencitë dhe të kenë kujdes se politikat ndryshojnë në varësi të agjencisë.
“Adoptimi është një proces mësimi dhe duhet të vazhdoni të ecni përpara,” thonë ata.
Hadley gjithashtu merr kujdes të dashur në Shriners Children’s Chicago, ku ka kaluar një operacion dhe përfiton nga terapitë fizike dhe profesionale. Për Kelly, e cila ka qenë gjithashtu paciente në Shriners Children’s, kjo ka sjellë historinë e tyre plotësisht në rreth. /Katror.info
Përgatiti:
