U shfaq premiera e filmit “Air” në Los Angeles, dhe mbi qilim të kuq parakaluan yjet protagonistë të këtij projekti, Ben Affleck, i cili shoqërohej nga ylli Jennifer Lopez, Matt Damon dhe bashkëshortja e tij, Chris Tucker, Marlon Wayans dhe të tjerë.
Affleck i cili përveç që luan në film, po ashtu e ka bërë edhe regjinë e tij. Para gazetarëve të pranishëm ai e quajti Michael Jordanin një gjeni për faktin që personalisht e kishte sugjeruar Viola Davisin për të portretizuar nënën e tij në dramën “Air”.
“Padyshim se ai është një gjeni, por sugjerimi i tij për ta Viola Davisin në rolin e nënës së tij, ishte një ide gjeniale. Natyrisht është e logjikshme që ai e zgjodhi aktoren më të mirë që ekziston për këtë rol. Kështu e kuptova se ai është një person emblematik dhe dëshiron ta bëjë një punë të përkryer. Kjo më inspiroi vërtetë që ta krijoja një rol të denjë për Violan dhe zonjën Jordan, dhe një karakter i cili i përfaqësojë më gjerësisht nënat në të gjithë vendin”.
Mundesh me e lexu edhe…
Glamurin mbi qilim të kuq padyshim se e solli Lopezi, e cila herë pas here edhe shkëmbeu puthje me bashkëshortin e saj, Affleck. Ky i fundit po ashtu i kushtoi kohë dhe vëmendje kastës së aktorëve në premierë, duke pozuar për fotografët së bashku me mikun e tij të ngushtë, Matt Damon.
“Shumë gjëra nga marrëveshja e Michael Jordanit me kompaninë ‘Nike’ e ndryshuan botën përgjithmonë. Nga ai moment, personalitetet e famshmet filluan të konsideroheshin si brend, gjë që sot është shumë e zakonshme. Madje edhe njerëzit e thjeshtë në Instagram e konsiderojnë veten të tillë. Por, gjëja kryesore është argumenti të cilin nëna e tij e jep në këtë film, që është se, djali i saj do t’ia shtojë vlerën këtyre atleteve dhe kah fundi i filmit, personazhi i Phil Knight e pranon se kjo marrëveshje është gjëja më e mirë për kompaninë e tij. Me të vërtetë kjo ishte një nga ato marrëveshjet që e ndryshoi botën dhe të gjithë dolën fitimtarë”.
Filmi fokusohet në partneritetin mes basketbollistit Michael Jordan dhe kompanisë “Nike”, në krijimin e brendit të atleteve “Air Jordan”, që e revolucionarizoi botën e sportit. Ky projekt e shënon rikthimin e Affleckut në rolin e regjisorit pas filmi të vitit 2016, “Live by Night” dhe filmit më të mirë të vitit 2012, “Argo”.
Pjesë e kastës së aktorëve janë edhe, Matt Damon, Viola Davis, Jason Bateman, Chris Tucker dhe Chris Messina. “Air” fillon së shfaquri nëpër kinematë e Amerikës nga 5 prilli./Katror.info
Përgatiti:
