Aktorja Jennifer Lawrence, e cila u bë nënë për herë të parë në prill të vitit të kaluar, po shkëlqen në të dy rolet.
Në eventin “WWD Honors” në Nju Jork, aktorja mahniti me një paraqitje magjepsëse dhe zgjedhjen e një fustani të zi që i nxirrte në pah figurën e saj dhe më pas nga kjo veshje “u flak” tutje, duke i lëshuar vendin një stili të rastit për një shëtitje me të birin.
Ajo ishte një nga figurat më të spikatura në tapetin e kuq me një fustan midi të firmosur nga “Dior”, i cili është një ndërthurje e stilit minimalist, prerjes klasike dhe detajeve shik, shkruan Katror.info.
Mundesh me e lexu edhe...
Fustani me një dekolte të spikatur nxirrte në pah njërën shpatull dhe me të ajo zgjodhi sallonet elegante të markës “The Row”. Ajo e përmbylli stilin me bizhuteritë e zgjedhura me kujdes “Tiffany & Co Elsa Peretti”; një palë vathë dhe një byzylyk.
Megjithatë, edicioni magjepsës është ende vetëm për evente formale, pasi aktores i pëlqen privatisht të veshë gjëra të rastësishme në të cilat është më e relaksuar.
Një vit e gjysmë më parë ajo u bë nënë dhe solli në jetë një djalë, ndaj u fotografua gjatë një shëtitjeje, teksa shtynte një karrocë. Ndoshta disa zonja nuk do të guxonin ta kopjonin stilin e saj, sepse ai është një kombinim “të papajtueshëm” – pantofla dhe çorape, e bashkë me to ka veshur një pulovër oversize dhe pantallona të shkurtra. /Katror.info
Përgatiti:
