Kompania e prodhimit Legendary Entertainment ka blerë të drejtat e romanit The Alchemist, një bestseller botëror i shkrimtarit brazilian Paulo Coelho, raporton Variety. Romani Alkimisti u botua në vitin 1988 dhe kaloi deri në 315 javë në listën e bestsellerëve të New York Times.
Alkimisti ndjek një djalë të ri, Santiago, i cili udhëton nga Andaluzia në Egjipt sepse ëndërronte të gjente një thesar atje. I gjithë romani është një alegori që na thotë se duhet të dëgjojmë zemrat tona dhe të ndjekim ëndrrat tona.
Së bashku me Legendary Entertainment, në përshtatjen e filmit do të punojnë edhe TriStar Pictures dhe Palmstar. Skenari do të shkruhet nga Jack Thorne, i cili njihet më së shumti për punën e tij në filmat e Netflix për Enola Holmes dhe serialin His Dark Body dhe National Treasure. Thorne deri me sot ka fituar çmimet Olivier, Tony dhe BAFTA.
Mundesh me e lexu edhe…
Edhe pse Alkimisti është një bestseller botëror, i cili është përkthyer në 70 gjuhë, vepra nuk ka pasur asnjë përshtatje filmike deri më tani, sepse të gjitha përpjekjet për të përshtatur veprën u braktisën gjatë prodhimit. Para Legendary, kompania e prodhimit Westbrook Studios, në pronësi të Will Smith dhe Jada Pinkett Smith, supozohej të punonte në xhirimin e filmit./Katror.info
Përgatiti:
