Autoriteti i Mediave Audiovizive (AMA) ka njoftuar një bashkëpunim me platformën e mediave sociale X për krijimin e një kanali të dedikuar që monitoron përmbajtje të mundshme të dëmshme në gjuhën shqipe.
Kryetarja e AMA‑s, Armela Krasniqi, u zotua se çdo përmbajtje që nxjerr dhunë, gjuhë urrejtjeje, shkel të drejtat e fëmijëve apo komuniteteve do të përballet menjëherë.
Në fokus të këtij partneriteti është krijimi i një ambienti digjital të pastër, pa urrejtje dhe me mbrojtje të fortë për të drejtat themelore, theksoi Krasniqi, ndërsa falënderoi platformën X për këtë hap bashkëpunimi.
Mundesh me e lexu edhe…
Kjo lëvizje vjen në një kohë kur Elon Musk ka theksuar shpesh se përdoruesit e X janë “mediat e reja” — duke deklaruar: “Ju jeni media tani”, si pjesë e vizionit të tij për një ekosistem informimi plotësues dhe pa ndërmjetës, përkundër kritikave për mungesë gazetarie profesionale.
Sipas të dhënave të “DataReportal”, në fillim të vitit 2025 platforma X kishte një kapacitet reklame prej 216 mijë përdoruesish në Shqipëri, që përbën rreth 7.8 për qind të popullsisë totale, ndërsa 9.5 për qind e të rriturve mbi 18-vjeç përdornin aktivisht X./AP/Katror.info
