Ambasada e Kosovës në Uashington ka shfaqur dy dokumentarë me filmbërës kosovarë në hapjen e Festivalit të Frankofonisë në kryeqytetin amerikan.
Ambasadori i Kosovës në Uashington, Ilir Dugolli, ka bërë të ditur se në Ambasadën franceze atje u shfaqën dokumentarët “Sans le Kosova” (Pa Kosovën) nga Dea Gjinovci dhe “117” nga Besim Sahatçiu, duke e vlerësuar shfaqjen e tyre si privilegj.
“Kosova është krenare që ndan historinë, kulturën dhe traditat e saj të pasura përmes këtyre veprave të bukura artistike. Faleminderit të gjithëve që na u bashkuan për një mbrëmje të paharrueshme”, shkruan në njoftimin e Ambasadës në Facebook, trasmeton Kallxo.com.
Mundesh me e lexu edhe…
Panelistë së bashku me Dugollin ishin profesori Edward P. Joseph dhe Dr. Elton Skendaj.
Të dy këta dokumentarë janë shfaqur në Festivalin Ndërkombëtar të Filmit Dokumentar “DokuFest”.
Filmi i Dea Gjinovcit flet për udhëtimin e saj bashkë me babanë në rrugën e mërgimit që mori babai i saj si refugjat 19-vjeçar nga Kosova në vitin 1968.
Dea Gjinovci është filmbërëse e dokumentarëve e diplomuar në Film Etnografik dhe Dokumentar, UCL, Universiteti i Londrës.
Ndërsa, dokumenttari “117”, i xhiruar në fshatin kosovar Nivokaz, përshkruan stilin e jetesës tradicionale të një familjeje shqiptare që numëron 117 anëtarë, të gjithë që jetojnë nën një çati dhe në harmoni të madhe. /Katror.info
Përgatiti:
