Ambasadorja e Vullnetit të mirë Elvana Shala foli për progresin e Kosovës në mbrojtjen dhe respektimin e të drejtave të njeriut, në Harkin Global Summit ne Washington, duke vë theksin mbi kategoritë e margjinalizuara si dhe për punën që është bërë në integrimin e tyre në shoqëri.
Këtë e bëri të ditur përmes një postimi në rrjete sociale.
“Kosova foli ne Harkin Global Summit ne Washington, e unë pata nderin që në emer të saj të flas për progresin që ka bërë vendi ynë në mbrojtjen dhe respektimin e të drejtave te njeriut duke vënë theksin e veçantë tek kategoritë e margjinalizuara dhe e tërë puna që është bërë në integrimin e tyre në shoqëri,” tha ajo.
Mundesh me e lexu edhe…
Ajo gjithashtu, foli për punën që kanë bërë organizatat e Kosovës në ngritjen e vetëdijes dhe ofrimin e sherbimeve te nevojshme për kategoritë e margjinalizuara në Kosovë.
“Theks te veçantë vura tek kategoria e personave me nevoja të vecanta dhe viktimat e dhunës seksuale gjatë luftës në Kosovë, ku organizatat tona kanë bërë punë të jashtëzakonshme në ngritjen e vetëdijes dhe ofrimin e shërbimeve të nevojshme për to”, theksoi ajo.
Elvana Shala, tashmë e njohur për angazhimin dhe përkushtimin e saj në promovimin e mundësive për zhvillim në Kosovë, ka theksuar rëndësinë e mbështetjes së SHBA-ve në fuqizimin e popullit të Kosovës. Ajo ka vlerësuar rolin e programeve të shumta trajnuese dhe iniciativave të tjera, që sipas saj, kanë krijuar hapësira të rëndësishme për këto kategori, duke e bërë Kosovën një histori suksesi në sytë e audiencës botërore.
Tutje ajo theksoi, rëndësinë e ligjeve të miratuara në Kuvendin e Kosovës si dhe për progresin e zbatimit të tyre në praktikë.
Në fund, Elvana Shala tregoi që pati mundësinë që para senatorëve amerikanë të shfaqë përmbledhjen e projektit të saj më të fundit, “Ritmi i Barazisë.”
Ajo dërgoi një mesazh të fuqishëm, duke theksuar se Kosova është në rrugë të sigurt dhe të drejtë për të ofruar një jetë të barabartë për të gjithë qytetarët e saj. /Katror.info
Përgatiti:
