Trajneri italian i Real Madrid, Carlo Ancelotti, mund të largohet nga klubi para përfundimit të sezonit 2024/25. Sipas “Sky Sport”, largimi i tij pritet të ndodhë menjëherë pas finales së Copa del Rey, që do të zhvillohet më 26 prill ndaj rivalit të përjetshëm, FC Barcelona.
Ky zhvillim vjen pas eliminimit zhgënjyes të Real Madrid nga UEFA Champions League, pas humbjeve në të dyja ndeshjet çerekfinale ndaj Arsenal. Skuadra spanjolle u mposht në “Santiago Bernabéu” dhe më pas pësoi edhe në “Emirates Stadium”, duke u eliminuar nga gara më prestigjioze evropiane për klube.
Disfatat ndaj ekipit anglez kanë rritur presionin mbi Ancelottin, i cili sipas raportimeve është afër përfundimit të mandatit të tij të dytë në stolin madrilen. Ende nuk ka një pasardhës të konfirmuar, por emrat më të përfolur për ta zëvendësuar janë Jürgen Klopp dhe Xabi Alonso.
Mundesh me e lexu edhe…
Finalja ndaj Barcelonës pritet të jetë prova e fundit e Ancelottit në drejtimin e Real Madrid, me të ardhmen e tij që mbetet ende e paqartë./Katror.info
Përgatiti:
