Aktorja amerikane fituese e çmimit Oscar, Angelina Jolie, thotë se po largohet nga roli i saj si ambasadore e OKB-së për refugjatët UNHCR pas më shumë se 20 vitesh.
“Unë besoj në shumë gjëra që bën OKB-ja, veçanërisht jetët që shpëton përmes ndihmës emergjente”, tha Jolie, 47 vjeç, transmeton BBC.
“Unë do të punoj tani me organizata të udhëhequra nga njerëz të prekur më drejtpërdrejt nga konflikti, që u japin zërin më të madh”, shtoi ajo.
Mundesh me e lexu edhe…
UNHCR tha se ajo ishte një nga avokatet më me ndikim të të drejtave të refugjatëve.
“Pas mbi 20 vitesh, sot po largohem nga puna ime me agjencinë e OKB-së për refugjatët. Refugjatët janë njerëzit që i admiroj më shumë në botë dhe jam i përkushtuar të punoj me ta për pjesën tjetër të jetës sime”, shkroi ylli i Hollywood në një postim në faqen e saj në Instagram.
Jolie nuk dha detaje rreth organizatave me të cilat po planifikonte të punonte.
Ndërkohë, UNHCR tha në një deklaratë se Angelina Jolie do të “angazhohet në një grup më të gjerë çështjesh humanitare dhe të të drejtave të njeriut”.
Në një deklaratë, agjencia e refugjatëve tha se “Jolie ka punuar pa u lodhur, duke kryer më shumë se 60 misione në terren për të dëshmuar historitë e vuajtjeve, si dhe shpresën dhe qëndrueshmërinë”.
Jolie – e cila luajti në një numër filmash të suksesshëm, duke përfshirë “Mr and Mrs Smith” dhe “Lara Croft: Tomb Raider”- ka bashkëpunuar me UNHCR që nga viti 2001, duke u bërë e dërguara speciale në vitin 2012. Muajt e fundit, ajo ka takuar takuar njerëz të zhvendosur në Ukrainën e shkatërruar nga lufta, Jemen dhe gjithashtu Burkina Faso.
Përgatiti:
