Prej 23 e deri më 25 tetor është mbajtë edicioni jubilar i Hybla Music Contest – Concorso Internazionale di Canto që është mbajtë në Ragusa të Italisë, festival në të cilin kanë marr pjesë artistë nga Kosova, Shqipëria, Shtetet e Bashkuara të Amerikës, Zelandës së Re, Maltës, Estonisë, Spanjës e Italisë.
Festivali ishte i ndarë në katër kategori të grupmoshave të ndryshme, ku skenën e kanë shijuar për dy ditë me radhë prej më të vegjëlve e deri te të rriturit e ku para jurisë profesionale kanë performuar mbi 50 artistë.
Dy çmimet kryesore të këtij edicioni i janë ndarë talentes së re nga Kosova, Anna Krasniqit e cila në këtë festival është kurorëzuar me çmimin Grand Prix dhe çmimin “Jimmy Fontana” e që ky çmim i siguron Anna Krasniqit incizimin e këngëve në Romë të Italisë.
Mundesh me e lexu edhe…
Çmimi “Jimmy Fontana” ndahet nga familja e këngëtarit legjendar Jimmy Fontana, përkatësisht nga djali Ii tij Luigi Fontana, i cili në këtë edicion të këtij festivali ishte edhe kryetar i jurisë. Dhe I takon poashtu botës së muzikës.
Ndërkohë, në këtë edicion delegacioni i Kosovës që ishte prezantuar në këtë festival nëpërmjet Shkollës së Muzikës “Amadeus”, bashkë me mësuesen e tyre Edina Pllana është shpërblyer edhe në dy kategori: Edita Tuli është shpërblyer me çmimin e parë në kategorinë e dytë garuese, kurse me çmim special “Talent Award in Solo Singing – Muzikë Lirike” është shpërblyer Lyra Aryal, e cila fitoi edhe një ftesë speciale nga juria e Spanjës për të performuar në Orfeus Music Festival në Malaga, Spanjë, në mars 2026!
Kurse Emabelle Shabani dhe Maja Idrizaj janë shpërblyer me diplomë për pjesëmarrje dhe prezentim dinjitoz.
Juria e këtij festivali ishte me përbërje të gjerë ndërkombëtare, ku përpos Luigi Fontana ishin edhe: Rita Perrota, Petia Koleva, Pervathi Albana, Gianvito Messina, Phyllisienne Brincat, Edina Pllana, Marina Martyinson, Raffaele Furnaro dhe Gianni Papa.
Anna Krasniqi është shprehë për KultPlus tejet e emocionuar. “Ky vlerësim është i jashtëzakonshëm. Unë e kam synuar çmimin në kategorinë e moshës sime, aty ku kanë garuar bashkëmoshatarët e mi prej moshës 13-15 vjet, por që do të më vlerësojnë me çmimet kryesore të festivalit, unë as që e kam imagjinuar”, ka thënë ajo, e cila është shprehë më tutje se kjo është hera e parë që merr pjesë në një festival dhe se një vlerësim i tillë është motiv për rrugëtim të mëtutjeshëm./KultPlus/Katror.info
